Qara leylək

Status. Çox nadir, sayı azalmaqda olan növdür.
Yayılması. Lənkəran zonasının dağətəyi meşələrində, Kürboyu tuqay meşələrində yuvalayır. Böyük və Kiçik Qafqaz, Talış dağətəyi rayonlarında rast gəlir.
Yaşayış yeri. Dağətəyi və düzənlik meşələr.
Təbiətdə sayı. Hər yerdə nadirdir. 1980-ci ildə Qarayazı meşələrində 10 cüt və Talışda tək-tək fərdlər qeydə alınmışdır.
Çoxalması. Hündür ağaclarda, ən çox tuqay meşələrində yuvalayır. Aprel ayında yuvada yumurtaların sayı 3-5 olur.
Sayının dəyişilmə səbəbləri. Balaların heyvanxanalar üçün hesabsız tutulması. Meşə sahələrinin azalması, insan tərəfindən narahatlıq amilinin güclənməsi.
Qorunması üçün zəruri tədbirlər. Yumurta və balaların yığılmasını qadağan etmək. Leyləyin yuvalama yerləri olan meşə sahələrinə toxunmamaq.