Qarapirimli

QARAPİRİMLİ
Xəritə
Ağdam rayonu
Məlumatlar
Koordinatlar
İnzibati İdarə
Ölkə	Azərbaycan
Rayon	Ağdam rayonu

Qarapirimli — Azərbaycan Respublikasının Ağdam rayonunun inzibati ərazi vahidində kənd.

Cavanşir qəzasının Qarapirim kəndinin əhalisi Məhərrəm bəyin torpağını zəbt etmişdi. Mülkədarın şikayəti nəticəsində hadisə yerinə strajniklər göndərilmişdi. Arxiv sənədlərində yazılır: "Qarapirimlilərin "kişilərdən və əsasən qadınlarından ibarət olan böyük bir dəstəsi pristavı və onun dəstəsini daşa basdılar. Onlardan bəziləri isə... bağda gizlənərək tüfəngdən atəş açmağa başladılar. Pristav öz dəstəsi ilə geri çəkilərək bağı atəşə tutmağa başladı. Pristav kəndlilərin başçısını tutduğu zaman strajniklərin atəşinə baxmayıb, "vur!" - deyə bağıraraq onların üzərinə düşdülər, tutulmuş kəndliləri geri aldılar".

Cümşüd bəy Vəzirovun pristavlığı vaxtında baş vermiş hadisələrin icmalı:

"Mülkədar Vəlibəyovların xalası oğlu olan pristav Cümşüd bəy Vəzirov öz qoyunlarını yataq yerindən çıxarmağı Qarapirim kəndlilərindən tələb etdikdə, kəndlilər 60-70 nəfərlik (bunların əksəriyyəti qadın idi) bir dəstə ilə ağac, bel və dəmir yabalarla pristav və strajniklərə tüfənglərdən atəş açdı. Qəzəblənmiş kəndlilərin təzyiqi altında pristav və strajniklər atışı-atışa geri çəkiləsi oldular. Onlar toqquşma zamanı baş verən qarışıqlıqdan istifadə edərək 16 kəndlini həbs etdilər". [2].

Pristav Vəzirov 25 strajniklə birlikdə torpaq uğrunda mülkədarlara qarşı mübarizə aparan Qarapirim kəndlilərinə divan tutmaq, kəndlilərin evlərini qarət etməklə, onları döymək və öldürməklə hədələyirdi. Hökumət orqanlarının özbaşınalığı, hədəsi ilə əlaqədar olaraq Qarapirim kəndliləri qaçıb başqa kəndlərdə gizlənirdilər. Mühafizəsiz əhaliyə qarşı hücuma keçən çar hökumət orqanları Cavanşir qəzası kəndlərini axtararaq, Qarapirimdən qaçmış qadın və uşaqları həbs edirdilər.

Qarapirim təpələri - tunc və ilk dəmir dövrü (Qarapirim kəndinin qərbində)

Əhalisi

Azərbaycan Türkləri