Sadıx bəy Fərhad bəy oğlu Məlik-Aslanov
 | Məlumatı yoxla. Bu məqalədə verilən faktların dəqiqliyini və məlumatların etibarlılığını yoxlamaq lazımdır. Müzakirə səhifəsində aydınlaşdırılmalıdır. |
Sadıx bəy Fərhad bəy oğlu Məlik-Aslanov (1855, Tuğ kəndi, Şuşa qəzası, Yelizavetpol quberniyası, Rusiya imperiyası-?) — dövlət qulluqçusu, kollec katibi mülki çinini daşıyırdı, maarifçi, xeyriyyəçi, mülkədar.[1][2]
| Sadıx bəy Məlik-Aslanov | |
|---|---|
| Sadıx bəy Fərhad bəy oğlu Məlik-Aslanov | |
| Doğum tarixi | |
| Doğum yeri | Tuğ kəndi, Şuşa qəzası, Yelizavetpol quberniyası, Rusiya imperiyası |
| Vəfat yeri | Tuğ kəndi |
| Dəfn yeri | Tuğ kəndi |
| Həyat yoldaşı | Şərəfcahan bəyim |
| Uşaqları |
Bahadur bəy, Rəxşəndə xanım, Füruzə xanım, Fərhad bəy, Sara xanım |
| Atası | Fərhad bəy |
| Anası | Xatay xanım |
| Milliyyəti | Azərbaycanlı |
Həyatı[redaktə | mənbəni redaktə et]
Sadıx bəy Fərhad bəy oğlu Məlik-Aslanov — 1855-ci ildə Tuğ kəndində anadan olmuşdur.
Qədim və nəcib Qarabağın zadəgan Məlik-Aslanov ailəsindəndir. Qarabağda və Zəngəzur mahalında nüfuzlu şəxs olub.
İlk təhsilini kənd mollaxanasında almışdı. Sonra rus-müsəlman məktəbində təhsilini davam etdirmişdi.
Fəaliyyəti[redaktə | mənbəni redaktə et]
● 1883-cü ildə (bəzi mənbələrdə 1885-ci il göstərilir) qardaşı Mehdi bəy Məlik-Aslanov ilə birlikdə o dövr üçün müasir hesab edilən Rus-Avropa tipli məktəbi Tuğ kəndində yaradıb açılar.
Həmin məktəb Sadıx bəyin evində yerləşirdi və binanın girəcəyində daş lövhənin üzərində "1883 год" ("1883 il") yazısı var idi. Təəssüf ki, işğal zamanı bu ev tamamilə dağıdılıb.
Məktəbin fəaliyyəti nəinki Qarabağda, hətta bütünlüklə Azərbaycanda maarifin inkişafına təkan verir. Məlik-Aslanov qardaşları məktəbinin kasıb şagirdlərinə tədris vəsaiti və maddi vəsaitlə kömək göstərirdilər.[3] Tuğ məktəbinin müəllimləri, məzunları bütövlükdə Qarabağda, maarifin, mədəniyyətin çiçəklənməsinin təməlini qoydular. Onların bir çoxu təkcə əyalətdə deyil, keçmiş imperiya miqyasında və Sovet İttifaqında adlı-sanlı şəxslər oldular.
● 1893-cü ildən dövlət idarələrində xidmət etmişdi. Cəbrayıl qəza idarəsində II dərəcəli dəftərxana qeydiyyatçısı kimi işə başlamışdı.
● 1895-ci ildən Cavanşir qəzasında çalışmışdı.
● 1896-cı ildən Yelizavetpol (indiki Gəncə) quberniyası Zəngəzur Polis idarəsində tərcüməçi işləmişdi. Sonra Zəngəzur qəzasının Minkənd nahiyəsində polis pristavı kimi xidmət etmişdi.
● Şuşa Rayon Polis Şöbəsində 3-cü Polis Bölməsinin rayon polis Pristavı vəzifəsində xidmət edib.
● 1906-cı ildən 2-ci bölməyə məhsus olan Xanazax kəndində rəhbərlik etmişdir.
Ailəsi[redaktə | mənbəni redaktə et]
● Həyat yoldaşı: Şərəfcahan bəyim (?-1946) — Pirəhmədli kəndinin sahibi Mustafa ağa Cavanşirin qızı
● Övladları: Bahadur bəy, Rəxşəndə xanım (1897,Tuğ–09.05.1962,Bakı), Füruzə xanım (1894,Tuğ–1956,Bakı), Fərhad bəy (1899,Tuğ–1971,Bakı), Sara xanım.
Həmçinin bax[redaktə | mənbəni redaktə et]
● Məlik-Aslanovlar[+]
● Tuğ
Mənbə[redaktə | mənbəni redaktə et]
● Azərbaycan Respublikası Dövlət Tarix Arxivi (ARDTA). F.24. Op.1. D.142.
● Mirzə Rəhim Fəna — 1905-ci il hadisəsi. Bakı, "Nurlan", — 2009, səh.122–123
● И.Алибегов — Елизаветпольские кровавые дни перед судом общества
İstinadlar[redaktə | mənbəni redaktə et]
- ↑ Ənvər Çingizoğlu - "Qarabağlı difaiçilər" Tarixi-ensiklopedic tədqiqat, Bakı-Mütərcim-2021, səh.124-126
- ↑ Məlik-Aslanovların soyağacı haqqında, N. A. Cavanşir Azərbaycan Tarixi Şəcərə Cəmiyyətinin Xəbərləri, İkinci Buraxılış,Səda, Bakı, 2001, səh.28 ISBN 5-86871-204-4
- ↑ Hüseyn Əhmədov — "XIX əsr Azərbaycan məktəbi" kitabı