Siklomorfoz

Siklomorfoz

Bütün su hövzələrinin bu və ya digər növə aid olan yaşlı formaları ilin müxtəlif vaxtlarında müxtəlif formada və ölçülərdə olurlar. Siklomorfoz mülayim qurşaq zonasının su hövzələrində yaşayan bütün plankton orqanizimlər üçn xarakterikdir. O, rotatorilər, xərçəgkimilər arasında daha çox müşahidə olunur. Yay fəslində bu orqanizimlərin ölçüləri kiçik, bədən ətrafında isə çıxıntıları olur. Lakin bəzi hallarda əlavə çıxıntılara yayda yox, ilin başqa fəsillərində də rast gəlinir. Məsələn rotatorilərdən Keratella cochlearis növündə uzun çıxıntılar əsasən qış fəslində, Brachionus calyciflorus növündə isə yazda və payızda müşahidə olunur. Ömumiyyətlə, orqanizmin formasında olan dəyişikliklər-siklomorfoz tədricən əmələ gəlir. Bu isə ətraf mühitin kompleks faktorlarının təsiri altında baş verir. Bunların içərisində ən mühümü temperatur və qida şəraiti hesab olunur. Məlumdur ki, Brachionus calyciflorus növündə arxa çıxıntıların əmələ gəlməsi suda temperaturun artması nəticəsində (yazda) baş verir. Bu dəyişikliyi payız fəslində də müşahidə etmək olur. Bu hadisə hər iki fəsildə qida şəraitinin yaxışlaşması dövrünə təsadüf edir. Bu fəsildə nannoplankton su hövzələrində yaxşı inkişaf edir. Brachionus calyciflorus növündə əlavə çıxıntılar onlarda süzmə qabiliyyətinin daha da artması üçün şərait yaradır.