Vikipediya:Həftənin yaxşı məqaləsi/35. Həftə 2022

İblis — 1918-ci ildə Azərbaycan şairi və dramaturq Hüseyn Cavid tərəfindən yazılmış dörd aktlı faciə, poetik pyes (şeirli drama). Birinci Dünya müharibəsi illərində qələmə alınan pyesdə yazıçı bir filosof və humanist kimi düşüncələrini ortaya qoyur, ədalətsiz müharibələrə, bu cür müharibələri qızışdıranlara etiraz edir. Faciə ilk dəfə 1920-ci ildə Abbas Mirzə Şərifzadə tərəfindən səhnəyə qoyulmuşdur. "İblis" səhnələşdirilən ilk Azərbaycan poetik dram əsəridir. Pyes yalnız mürəkkəb fəlsəfi məzmunu ilə deyil, həm də romantik üslubu ilə diqqət çəkir. "İblis" Hüseyn Cavidin ilk səhnəyə qoyulan əsəridir. Pyes ilk dəfə 1924-cü ildə, daha sonra 1927, 1959, 1969, 1982, 2001 və 2005-ci illərdə nəşr olunmuşdur. 1931-ci ilin Kiçik Sovet Ensiklopediyasında əsər poema adlandırılmışdır. (Davamı...)