Vikipediya:Yeni istifadəçilərə ilişməyin

Vikipediya təkcə layihənin ən aktiv iştirakçılarının gərgin əməyi nəticəsində yox, həm də onunla maraqlanan çoxlu yeni istifadəçilərin töhfələri hesabına inkişaf edir. Bu cür yeni istifadəçilər adətən anonim qalır. Hər birimiz bir zamanlar yeni istifadəçi olmuşuq və zaman-zaman ehtiyatla davranmağımızın hesabına tipik xətalardan müvəffəqiyyətlə qaçmağı bacarmışıq. Çoxumuz isə bir neçə ay iş təcrübəsi ilə belə özümüzü yeni istifadəçi hesab edirik.

Bir çox yeni istifadəçinin tez bir zamanda Vikipediyaya alışaraq inamlı şəkildə çalışmağı davam etdirməsinə baxmayaraq, bəziləri üçün Vikipediya haqqında bilgilərinin azlığı, eləcə də bacarıqlarının çatışmaması onlar üçün müvəffəqiyyətlə çalışmalarına əngəl olur. Ona görə də biz yeni istifadəçilərlə xeyirxahcasına və səbirlə davranmalıyıq. Çünki onların içərisindən Vikicəmiyyətin gələcək aparıcı üzvləri, idarəçiləri də çıxacaq.