Xarici sekresiya vəziləri

Vikipediya, açıq ensiklopediya
Keçid et: naviqasiya, axtar


Xarici sekresiya vəziləri
Xarici sekresiya vəzisinin quruluş sxemi.jpg
Xarici sekresiya vəzisinin quruluş sxemi: vəzi hüceyrəsi, vəzi axacağı, dəliyi (ağzı)
lat. Glandulae excretoriae s. apertae

Xarici sekresiya vəziləri (lat. Glandulae excretoriae s. apertae) - axacaqlara malikdir, bunların məhsulu həmin axacaqlar vasitəsilə müəyyən üzvlərə tökülür, ya xaricə çıxarılır. Xarici sekresiya vəziləri ifraz etdikləri məhsulların tərkibinə görə üç qrupa bölünür:

  1. Selikli vəzilər - məhsullarında çoxlu selik olur, məsələn - damaq vəziləri (lat. glandulae palatinae), dal dil vəziləri (lat. glandula linguales posteriores);
  2. Seroz ya zülal vəziləri - ifraz etdiyi şirə çox sulu olsa da çoxlu zülala malikdir, məsələn, qulaqaltı vəzi (lat. glandulae parotis), dil və ya Ebner vəziləri (lat. glandulae linguales Ebneri);
  3. Qarışıq (seroz-selikli) vəzilər lat. glandulae seromucose - sekretində həm zülal, həm də selik vardır, məsələn dodaq vəziləri (lat. glandulae labiales), yanaq vəziləri (lat. glandulae buccales), ön dil vəziləri (lat. glandulae lingualea unteriores), dilaltı vəzi (lat. glandulae sublingualis) və çənəaltı vəzi (lat. glandulae submandibularis).

İstinadlar[redaktə]

  1. Prof. Kamil Əbdülsalam oğlu Balakişiyevin, İnsanın Normal Anatomiyası, II cild, "MAARİF" Nəşriyyatı, Bakı - 1979

Mənbələr[redaktə]

  • Prof. Kamil Əbdülsalam oğlu Balakişiyevin, İnsanın Normal Anatomiyası, III cild, "MAARİF" Nəşriyyatı, Bakı - 1982
  • Р. Д. Синельников. Атлас анатомии человека (4 тома)