Yevxaristiya

Vikipediya, açıq ensiklopediya - ویکیپدیا ، آچیق انسایکلوپدیا

Yevxaristiya (yunan dilindən, pravoslavlıqda - ilahi ibadət) - xristian ayinlərindən biri. Katolik, pravoslav və anqlikan Kilsəsində İsa Məsihanın inananlarla ittifaqını və inananların onun fədakarlığında iştirakını ifadə edir. Keşişlə təqdis edilmiş çörək və şərab bu ayində İsanın bədəni və qanının rəmzləri olaraq inananlara paylanır. Ənənəyə görə həmin ayin Məxfi axşamda təsis edilmişdir. Foma Akvinalı və digər ilahiyyatçılara görə yevxarastiyada çörək İsanın bədəninə, şərab isə möcüzə surətdə qanına çevrilir, lakin onların xassələri (dad, iy və s.) dəyişilməz qalır. Həvari Pavel Korinflilərə 1-ci müraciətnaməsində (11:23-25) yazdığı kimi, İsa ələ verildiyi gecə çörək götürdü və şükür edib, onu parçaladı və dedi: "Alın, yeyin. Bu, Mənim sizin üçün qırılan bədənimdir; bunu Məni anmaq üçün edin". Eləcə də, axşam yeməyindən sonra kasanı götürüb dedi: "Bu kasa Mənim qanımla gerçəklənən Əhdi-Cədiddir; bunu, içdiyiniz hər zaman, Məni anmaq üçün edin".