Yusif bəy Yusifbəyov
Yusif bəy Mirzə Haşım bəy oğlu Yusifbəyov (18 fevral 1844-?) — çar məmuru, xeyriyyəçi.
Həyatı[redaktə | mənbəni redaktə et]
Yusif bəy Mirzə Haşım bəy oğlu 18 fevral 1844-cü ildə Şuşa şəhərində doğulmuşdu. Şuşa Qəza məktəbini bitirmişdi. 1873-cü ildə Yelizavetpol (Gəncə) Dairə məhkəməsinə dəftərxana xidmətçisi vəzifəsinə təyin edilmişdi. 17 iyul 1874-cü ildə Şuşa qəza idarəsinin mülki şöbəsinə köməkçi göndərilmişdi. 12 aprel 1878-ci ildə həmin qəzaya tərcüməçi təyin edilmişdi. 25 iyun 1879-cu ildə II dərəcəli dəftərxana xidmətçisi dərəcəsilə yüksək maaş almağa başladı. Göstərdiyi üstün xidmətlər sayəsində 27 avqust 1881-ci ildə kollej qeydiyyatçısı mülki çininə layiq görüldü. 4 noyabr 1882-ci ildə quberniya katibi mülki çini aldı. Məmuriyyət sahəsində bu tezlikdə çin almaq nadir hadisələrdən idi. Yusif bəy Yusifbəyov xidmət pilləsində ucalmağa başladı. 16 avqust 1883-cü ildə quberniya katibi mülki çini aldı. 2 aprel 1886-cı ildə titulyar müşavir mülki çininə yüksəldi. Yusif bəy Yusifbəyov 8 yanvar 1890-cı ildə Cavanşir qəzasına ədliyyə pristavı təyin edilmişdi. Həmin ilin may ayının 4-də kollej asessoru mülki çininə layiq görülmüşdü. Yusif bəy Yusifbəyov 24 may 1893-cü ildə uzun illər məmuriyyətdə göstərdiyi şərəfli əməyə görə saray müşaviri çini almışdı. 28 aprel 1899-cu ildə Cavanşir qəza idarəsinin mülki şöbəsinə pristav təyin edilmişdi.
Ailəsi[redaktə | mənbəni redaktə et]
Yusif bəy Mahtəban xanım Qasım bəy qızı Mehmandarova ilə ailə qurmuşdu. Baxşəli bəy, Bahadur bəy adlı oğlanları, Qönçə xanım adlı qızı vardı.
Mükafatları[redaktə | mənbəni redaktə et]
Yusif bəy Yusifbəyov 26 fevral 1896-cı ildə III Alekdandrın xatirəsinə həkk edilmiş gümüş medalına, 3 fevral 1913-cü ildə III dərəcəli "Müqəddəs Anna" ordeninə layiq görülmüşdü.
Mənbə[redaktə | mənbəni redaktə et]
- Ənvər Çingizoğlu, Yusifbəyovlar, "Soy" dərgisi, 12 (32), 2009.