Zöhrəvi xəstəliklər

Vikipediya, açıq ensiklopediya
Keçid et: naviqasiya, axtar


Caduceus.svg
Zöhrəvi xəstəliklər
XBT-10 A64.64.
XBT-9 099.9099.9
DiseasesDB 27130
MeSH D012749

Zöhrəvi xəstəliklər — cinsi yolla yoluxan infeksion xəstəliklər qrupu (sifilis, süzənək, yumşaq şankr, qasıq limfoqranulomatozu və s). Adı "zöhrə" ilə əlaqədardır. Bu termini ilk dəfə 1527-ci ildə fransız alimi J. de Betankur təklif etmişdir. Zöhrəvi xəstəliklərin mənşəyi indiyədək tam öyrənilməmişdir. Qədim Misir, Babilistan, Hindistan, Çin və b. ölkələrin tibbə aid əlyazmalarında, Herodot, Hippokrat, Qalen, İbn Sina və b.-nın əsərlərində zöhrəvi xəstəliklər haqqında məlumat verilir. Uzun müddət bütün zöhrəvi xəstəliklərin eyniadlı bir xəstəlik olduğu güman edilirdi. Xəstəlik təsadüfi yaxınlıqlar nəticəsində yayılır. Vaxtında, düzgün müalicə aparılmadıqda xəstəlik uzun sürür, xəstənin əmək qabiliyyəti itir, bəzən əlilliyə səbəb olur. Süzənək bir sıra qadın xəstəliyinə, kişinin yaxud qadının sonsuzluğuna gətirib çıxarır. Sifilis müalicə edilmədikdə nəslə keçir, anadangəlmə eybəcərliyə, karlığa, korluğa və s. səbəb olur.