Zaurbek Avdorxanov
| Zaurbek Avdorxanov | |
|---|---|
| Doğum tarixi | 4 oktyabr 1976 |
| Doğum yeri |
|
| Vəfat tarixi | 29 iyul 2012 (35 yaşında) |
| Vəfat yeri |
|
Zaurbek Avdorxanov (4 oktyabr 1976, Alleroy[d], Çeçen-İnquş MSSR – 29 iyul 2012, Qalaşki[d], İnquşetiya) — çeçen səhra komandiri, tanınmamış Çeçen İçkeriya Respublikası tərəfində İkinci Çeçenistan müharibəsinin iştirakçısı. “Qafqaz Əmirliyi” terror təşkilatının üzvü, Əhməd Avdorxanovun qardaşı. ÇİR Silahlı Qüvvələrinin Şərq Cəbhəsinin Kurçaloyski sektorunun və Qafqaz Əmirliyinin Noxçiyço vilayətinin komandiri. Radio əlaqə vastələri zamanı “Qafqaz” əmr işarəsi ilə çağrılırdı.
Bioqrafiyası[redaktə | mənbəni redaktə et]
Zaurbek Avdorxanov 4 oktyabr 1976-cı ildə SSRİ-nin Çeçen-İnquş Muxtar Sovet Sosialist Respublikası, Nojay-Yurt rayonunun Alleroy kəndində anadan olmuşdur[1].
İkinci Çeçenistan müharibəsinin və Şimali Qafqazdakı separatçı islamçı gizli təşkilatın üzvü olur. Qafqaz Əmirliyində səhra komandiri kimi fəaliyyət göstərir.
2010-cu ildə Ramzan Kadırov Aslanbek Vədəlov və ya Zaurbek Avdorxanovun harada olduğu barədə etibarlı məlumat üçün 10 milyon rubl ödəniləcəyini açıqlamışdır[2].
Kiçik Avdorxanov məsuliyyət daşıdığı ərazidə (Çeçenistanın Kurçaloyevski rayonu) Daxili İşlər Nazirliyi konvoylarına və hərbi konvoylara hücumlara görə məsuliyyət daşıyırdı[3]. Onun quldur dəstəsi administrasiya rəhbərlərinə, hüquq-mühafizə orqanlarının əməkdaşlarına, federal qoşunlara və mülki şəxslərə hücumlarda iştirak etmişdir. Xüsusilə, 2004-cü ilin aprelində İşxoy-Yurt kəndində səkkiz polis əməkdaşının öldürülməsinə, 25 sentyabr 2003-cü ildə Məsketi kəndinin kənd polis şöbəsinə hücuma görə məsuliyyət daşıyır[4].
Əmir Zaurbek 2010-cu il avqustun 29-da 60 silahlı dəstə tərəfindən “Sentaroy kəndində Kadırovun adamlarına qarşı xüsusi əməliyyat”-ın komandirlərindən biri kimi tanınır[5]. Çeçenistan Daxili İşlər Nazirliyindəki rəsmi mənbələr, öldürülən quldurlardan üçünün Zaurbek Avdorxanovun quldur dəstəsinin üzvləri olduğunu təsdiqləyib[6].
Ramzan Kadırovun sözlərinə görə, o, 2012-ci il iyulun 29-da axşam saatlarında qardaşı İbrahim və Əyyub Xaladovla birgə xüsusi əməliyyat zamanı Qalaşki kəndində Federal Təhlükəsiszlik Qüvvələrinin İnquşetiya üzrə əməkdaşları tərəfindən məhv edilib[7]. Yunus-Bek Yevkurovun sözlərinə görə, hər üçü partlayıcı maddələrlə ehtiyatsız davranmaları nəticəsində həlak olmuşlar[8].
Avdorxanovun ölümü ilə bağlı xəbəri səhra komandirinin yaxınları da təsdiqləyirlər[9].
İstinadlar[redaktə | mənbəni redaktə et]
- ↑ Кавказский Узел. "Убитые в Ингушетии боевики были организаторами нападения на Центорой, заявили власти Чечни". Кавказский Узел. 2021-01-11 tarixində arxivləşdirilib. İstifadə tarixi: 2021-01-29.
- ↑ "Руслан Алханов поддержал инициативу Главы республики Рамзана Кадырова | Грозный Информ". 2015-05-05 tarixində arxivləşdirilib. İstifadə tarixi: 2021-10-26.
- ↑ "Кавказский Джихад. Апрель-июнь 2008 г." 2010-11-07 tarixində orijinalından arxivləşdirilib. İstifadə tarixi: 2021-10-26.
- ↑ "Участники НВФ понесли невосполнимые потери". 2015-04-15 tarixində arxivləşdirilib. İstifadə tarixi: 2021-10-26.
- ↑ Центорой атаковали три подразделения чеченских моджахедов[ölü keçid]
- ↑ "Противоречивая информация о нападении на Центорой". 2011-03-15 tarixində arxivləşdirilib. İstifadə tarixi: 2021-10-26.
- ↑ "В Ингушетии убиты организаторы нападения на родовое село Кадырова". 2012-08-04 tarixində arxivləşdirilib. İstifadə tarixi: 2021-10-26.
- ↑ "Евкуров опроверг слова Кадырова о спецоперации в Ингушетии". 2012-08-04 tarixində arxivləşdirilib. İstifadə tarixi: 2021-10-26.
- ↑ "Братья Авдорхановы Заурбек и Ибрагим стали шахидами в бою с оккупантами". 2012-08-04 tarixində orijinalından arxivləşdirilib. İstifadə tarixi: 2021-10-26.