Bəsti Bağırova

Bəsti Bağırova
Doğum tarixi	10 aprel 1906(1906-04-10)
Doğum yeri	Abdullabəykürd, Yelizavetpol qəzası, Yelizavetpol quberniyası, Rusiya imperiyası
Vəfat tarixi	27 fevral 1962(1962-02-27) (55 yaşında)
Vəfat yeri	Bağçakürd, Qasım İsmayılov rayonu, Azərbaycan SSR, SSRİ
Dəfn yeri	Fəxri Xiyaban
Təhsili	Azərbaycan Dövlət Aqrar Universiteti
Fəaliyyəti	siyasətçi, pambıqçı
Partiyası	Ümumittifaq Kommunist (bolşeviklər) Partiyası (1937–)
Mükafatları
Vikianbarda əlaqəli mediafayllar

Bəsti Məsim qızı Bağırova (10 aprel 1906, Abdullabəykürd, Yelizavetpol qəzası – 27 fevral 1962, Bağçakürd, Qasım İsmayılov rayonu) – Azərbaycanda məşhur pambıq ustası. Azərbaycanda iki əl ilə pambıq yığımı hərəkatının təşəbbüsçüsü. İki dəfə Sosialist Əməyi Qəhrəmanı (1947, 1950).

Həyatı

1905-ci ildə Goranboy rayonun Bağçakürd kəndində anadan olmuşdur. 1930-33-cü illərdə Azərbaycan SSR Qasım İsmayılov rayonu "Bağçakürd"(sonralar B.Bağırova adına) kolxozunun kolxozçusu, 1933-1950-ci illərdə həmin kolxozda manqa başçısı və 1953-62-ci illərdə sədri olmuşdur.

AKP-nin XXIII–XXV qurultaylarında Mərkəzi Komitə üzvü seçilmişdir. SSRİ Ali Sovetinin (I-III çağırış), Azərbaycan SSR Ai Sovetinin (IV–V çağırış) deputatı, Azərbaycan SSR Ali Soveti Rəyasət Heyətinin üzvü olmuşdur. 3 dəfə Lenin ordeni, Qırmızı Əmək Bayrağı ordeni və medallarla, ÜİKTS-in böyük qızıl medalı ilə təltif edilmişdir.

Bakı Ali Partiya Məktəbini bitirmişdir(1952).

Bağçakürd kəndinə Bəsti Bağırovanın tunc büstü qoyulmuşdur. Bakıda Fəxri Xiyabanda dəfn edilmişdir.

Filmoqrafiya

1. Beş dəqiqəlik konsert (film, 1941)