Heydər Əliyev Konqres Mərkəzi
| Heydər Əliyev Konqres Mərkəzi | |
|---|---|
 Qəbələ şəhərində yerləşən Heydər Əliyev Konqres Mərkəzi | |
 | |
| 41°00′17″ şm. e. 47°52′00″ ş. u. | |
| Ölkə |
 Azərbaycan |
| Şəhər | Qəbələ |
| Yerləşir | Qəbələ şəhəri, Heydər Əliyev Prospekti 226 |
| Tikilmə tarixi | 2012-2013 |
| Mərtəbə sayı | 3 |
| Mərtəbə sahəsi | 8,5 ha |
| Memarlıq quruluşu | Modern |
 Vikianbarda əlaqəli mediafayllar | |
Heydər Əliyev Konqres Mərkəzi - Qəbələ şəhərində, Qaraçay çayının sahilində yerləşir. Mərkəz, layihələr və qlobal qərarların verildiyi görüşlərin keçirilməsi üçün fəaliyyət göstərən konqres mərkəzidir.[1]
Tarixi
Heydər Əliyev Konqres Mərkəzi Qəbələ şəhərinin mərkəzindən 4 km aralıda inşa edilmişdir. Mərkəzin layihələndirmə və tikinti işlərinə 2012-ci ilin mayından başlanılmış və 2013-cü ilin iyul ayında yekunlaşdırılmışdır. Azərbaycan Respublikasının Prezidenti İlham Əliyev 14 avqust, 2013-cü il tarixində, Qəbələ rayonuna səfəri zamanı Heydər Əliyev Konqres Mərkəzinin açılışında iştirak etmişdir.[2]
Memarlıq xüsusiyyətləri
Mərkəz ümumi sahəsi 8,5 hektar ərazidə yerləşir və 3 mərtəbədən ibarətdir. Binanın dizaynında ağ, yaşıl və qızılı rənglərdən istifadə olunmuşdur ki, bu da təbiəti, təbii mənbələri və müasirliyi simvolizə edir.[3]
Birinci mərtəbədə - zallar, 350 yerlik restoran və inzibati otaqlar yerləşir. Mərkəzdə 6 qüllə ilə yanaşı, zalın üzərində günbəz düzəldilmişdir ki, diametri 20 metr, hündürlüyü isə zalın döşəmə səviyyəsindən 13 metr yüksəklikdədir.
İkinci mərtəbədə - konfrans zalı, səhnə, 4 vip otaq, mühafizə otaqları, artistlər və media işçiləri üçün otaqlar və geniş foye yerləşir. Konfrans zalı 1200 yerdən ibarət olmaqla, qısa müddətə konsert, iclas və bu kimi əhəmiyyətli tədbirlərin keçirilməsi üçün, kresloların aşağı enməsi ilə müstəvi halına keçə bilir. Zalın səhnəsi 92 m²-dir, qalxıb-enən platforma üzərində quraşdırılıb. Eyni zamanda, binada 18 metrlik eskalator və liftlər quraşdırılmışdır.[4]
Binanın zirzəmisində - ATS, yanğınsöndürmə otağı, anbar, avtomobillər üçün dayancaq (5769 m²), mediya işçiləri üçün otaq və foye yerləşir. Binada 18 m-lik ekskalator, həmçinin liftlər quraşdırılmışdır. Mərkəzin ərazisində 140 yerlik yeraltı qaraj mövcuddur ki, bu qaraj iki hissədən ibarətdir. 1-ci hissədə minik avtomobillərinin, 2-ci hissədə isə avtobusların yerləşdirilməsi nəzərdə tutulub. Bununla yanaşı, bina müasir daxili və xarici mühafizə siqnalizasiya və yanğınsöndürmə sistemləri ilə təchiz edilmişdir.[5]
Ərazisi
Ərazisinin ümumi sahəsi 8,5 hektardır. Konqres Mərkəzinin ərazisində 140 yerlik yeraltı qaraj tikilmişdir. Qarajın üstündə bayraq meydanı və dekorativ yaşıllıq salınmışdır. Binanın önündən keçən çayın üzərində körpü tikilmişdir.