DJ Fateh

Vikipediya, azad ensiklopediya
Simplellali (müzakirə | töhfələr) tərəfindən edilmiş 09:41, 26 noyabr 2019 tarixli redaktə
Naviqasiyaya keç Axtarışa keç
DJ Fateh
Doğum adı Məmmədov Məmmədəli Nazim oğlu
Doğum tarixi 1 fevral 1983(1983-02-01) (41 yaş)
Doğum yeri
Vətəndaşlığı
Fəaliyyəti ssenarist, redaktor
Fəaliyyət illəri 1999-cu ildən
Təhsili
Mükafatları "Tərəqqi" medalı
IMDb ID8431232
manpasi.az

Məmmədəli Məmmədov (tam adı: Məmmədəli Nazim oğlu Məmmədov, təxəllüs: DJ Fateh[1];d. 1 fevral 1983, Bakı, Azərbaycan SSR, SSRİ) . Azərbaycan radioaparıcısı, teleaparıcısı, redaktoru və kinossenaristi. Media FM radiostansiyasının keçmiş baş prodüseri, MANPASI səhər şousunun və video layihəsinin aparıcı və yaradıcılarından biri, “Breyn Rinq”[2] və “61” televiziya layihələrinin aparıcısı, “Əlaçı” verilişinin redaktoru, “Oğlan evi 1”[3] və “Oğlan evi 2” filmlərinin ssenari həmmüəllifi. [4] 2018-ci ilin avqustundan İctimai Radionun direktoru vəzifəsində çalışır.[5] Azərbaycan Respublikası Prezidentinin 6 noyabr 2019-cu il tarixli sərəncamına əsasən televiziya və radio sahəsində səmərəli fəaliyyətinə görə Tərəqqi medalına layiq görülmüşdür.[6]

Bioqrafiya

Məmmədəli Məmmədov 1 fevral 1983-cü ildə Bakı şəhərində anadan olmuşdur. 1990-cı ildə 42 saylı məktəbə gedən Məmmədəli orta təhsilini əlaçı kimi bitirib. 2000-ci ildə Azərbaycan Dövlət Neft Akademiyasına daxil olmuşdur. 2005-ci ildə ali məktəbi bitirən kimi hərbi xidmətə yollanıb.

Yaradıcılığı və iş fəaliyyəti

  • 1999-cu ildə ANS ÇM radiostansiyasında aparıcı kimi fəaliyyətə başlayıb. 2005-ci ilədək ANS Şirkətlər Qrupunda müxtəlif vəzifələrdə çalışıb – aparıcı, baş aparıcı, eyni zamanda, “Elman” jurnalının redaktoru və baş redaktoru vəzifələrini tutub.
  • 2006-2008-ci illərdə AB Standard Şirkətlər Qrupunun ictimaiyyətlə əlaqələr üzrə meneceri, 2008-2010-cu illərdə “Promo-Vision” PR agentliyinin baş direktoru vəzifəsində çalışıb.
  • 2010-cu ildə Media FM radiostansiyasında işləməyə başlayıb. 2017-ci ildən fərdi sahibkar qismində fəaliyyətə başlayıb.
  • 2015 və 2016-cı illərdə “Kintamani film” tərəfindən istehsal edilmiş İlham Qasımovun “Oğlan evi” və Oğlan evi 2” filmlərinin ssenari həmmüəllifi olub.
  • 2017-ci ildə keçirilən ilk BOMBA sosial media mükafatının təqdimat mərasiminin aparıcılarından və ssenari müəlliflərindən biri olub.
  • 2018-ci ilin avqustundan İctimai Radionun proqram direktorluğu departamentinin direktorudur.

MANPASI

2011-ci ildə Rəvan Bağırovla birgə yaratdıqları MANPASI youtube layihəsi[7] Azərbaycanın həmin dövrdə ən çox izlənilən internet verilişinə çevrilmişdir. İnternet sərhədlərini aşaraq, Media FM radiostansiyasında səhər şousuna çevrilən layihə Azərbaycanda bütün zamanların ən dinlənilən səhər şousuna çevrilmişdir.

TV fəaliyyəti

  • 2013-cü ildən "Breyn Rinq" telelahiyəsinin aparıcısıdır. Veriliş "İqra TV"-nin lisenziyası əsasında AzTV-də yayımlanır.
  • 2015-ci ildən "61!" verilişinin redaktoru, 2017-ci il mövsümündən isə aparıcısıdır.
  • 2015-ci ildən "Əlaçı" verilişinin redaktorudur.

Filmoqrafiya

  1. Vəkil hanı? (film, 2011)
  2. Oğlan Evi: Azərbaycansayağı qarət (film, 2015)
  3. Oğlan evi 2 (film, 2016)

İctimai çıxışları

2011-ci ildə TEDx Bakı tədbirində "Hər günü fərqli yaşamaq" mövzusunda; 2015-ci ildə Milli Marketing Forumunda "Karyera" panelində; 2016-cı ildə Rəqəmsal Marketing Konfransında "Sosial şəbəkələrdə neqativi necə idarə etməli" mövzusunda çıxışı olub.

Xarici keçidlər

İstinadlar

  1. ↑ http://www.mak.az/m%C3%BCsahib%C9%99-dj-fateh-20110722031616638c6.html
  2. ↑ https://www.facebook.com/brainring/photos/a.364235797021189.1073741828.364073507037418/364245333686902/
  3. ↑ http://oxu.az/culture/85421
  4. ↑ http://www.imdb.com/title/tt6129286/
  5. ↑ https://sputnik.az/life/20180906/416918933/itv-de-ciddi-kadr-deyishiklikleri.html
  6. ↑ https://president.az/articles/34735
  7. ↑ https://www.youtube.com/channel/UC0u9arKkuX_IPfoI4EgMTAA
Mənbə — "https://az.wikipedia.org/w/index.php?title=DJ_Fateh&oldid=4948155"