Eneda Tarifa
| Eneda Tarifa | |
|---|---|
| alb. Eneda Tarifa | |
 | |
| Ümumi məlumatlar | |
| Doğum tarixi | 30 mart 1982[1] (42 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1997-ci ildən |
| Janr | pop musiqisi |
| enedatarifa.com | |
 Vikianbarda əlaqəli mediafayllar | |
Eneda Tarifa (alb. Eneda Tarifa; d. 30 mart 1982, Tirana[2], Albaniya) ) — Alban müğənnisi. 2016-cı ildə Stokholmda Eurovision 2016-ya "Fairytale" ("Nağıl") mahnısı ilə Albaniyanı təmsil etmişdir[3]. Lakin finala vəsiqə qazana bilməmişdir.
Bioqrafiyası
Eneda Tarifa 30 mart 1982-ci ildə Albaniyanın Tirana şəhərində anadan olmuşdur.
1997-ci ildə ilk dəfə Albaniyada keçirilən "Festivali i Këngës" festivalında Saimir Çili ilə birlikdə "Yjet e shpresës" mahnısı ilə iştirak etmişdir. Lakin ilk üçlüyə düşə bilməmişdir. 2001-ci ildə Eneda başqa bir alban festivalı olan «Kënga Magjike» müsabiqəsində «Ika larg» mahnısını ilə yarışa qatılmışdır.
2004-cü ildə Albaniya ilk dəfə Avraviziyanın milli seçimləri və «Festivali i Këngës 42» festivalında işrirak etdi. Belə ki bu müsabiqə ölkənin milli seçimi turu rolunu oynadı. Eneda Tarifa «Qëndroj» mahnısı ilə festivalda qalib gəlməyə çalışdı, amma bu dəfə istədiyinə nail ola bilmədi. Yalnız finala çıxmağı bacardı.
2006-cı ildə müğənni ikinci dəfə «Kënga Magjike» festivalında «Rreth zjarrit tënd» mahnısı ilə iştirak etdi. O, bu yarışmada 154 xalla dördüncü yeri tutur[4]. Növbəti il Eneda yenidən «Festivali i Këngës» yarışmasında «E para letër» mahnısı ilə iştirak etdi və bu dəfə 10-cu yeri tutdu.
2007-ci ildə müğənni Polifest festivalında "Mos Harro" mahnısı ilə, 2008-ci ildə yenidən "Kënga Magjike" də "Zeri im" mahnısı ilə çıxış etdi. Çmimi Əyləncəli Mükafatını da aldı.
2010-cu ildə Eneda «Top Fest 2010» yarışmasında «Më veten» mahnısı ilə birinci oldu. Elə həmin il Albaniyanın "Top Channel" televiziyasında «Portokalli»[5] verilişini idarə etməyə başlayır.
Avroviziya 2016
2015-ci ilin dekabr ayında Eneda nəhayət «Festivali i Këngës 54» müsabiqəsində «Përrallë» ilə birinci olur və Stokholmda keçirilən Avroviziya 2016-da Albaniyanı təmsil etmək hüququ əldə etmişdir[6]. Festivala qalib gəldikdən sonra verdiyi müsahibədə müğənni, çox güman ki, mahnısının "Avroviziya" da ifa üçün ingilis dilinə tərcümə olunacağını söylədi. Mahnının İngilis versiyası olan "Fairytale" martın 15-də klipi ilə birlikdə çıxdı.
Şəxsi həyatı
Müğənni Eriyon Zaloşney ilə uzun illərdir ki, evlidir. 2013-cü ildə onların Aria adlı qızı doğulmuşdur[7].
İstinadlar
- ↑ Eneda Tarifa // https://pantheon.world/profile/person/Eneda_Tarifa.
- ↑ "Певица Энеда Тарифа". hochu.ua. İstifadə tarixi: 2016-05-13.
- ↑ Anthony, Granger. "ALBANIA: ENEDA TARIFA IS OFF TO STOCKHOLM". Eurovoix. 27 Dec 2015.
- ↑ "Kënga Magjike History". 2016-01-08 tarixində arxivləşdirilib. İstifadə tarixi: 28 Dec 2015.
- ↑ "Eneda Tarifa Biography". İstifadə tarixi: 28 Dec 2015.
- ↑ Brey, Marco. "Eneda Tarifa to represent Albania with a Fairytale"". Eurovision.tv. 28 December 2015.
- ↑ "Eneda Tarifa Bëhet Nënë, Vjen Në Jetë Aria". Teksteshqip. 20 May 2013. 2013-06-25 tarixində arxivləşdirilib.