Vüqar Əhmədov
| Vüqar Əhmədov | |
|---|---|
| Əhmədov Vüqar Cəbrayıl oğlu | |
| Heydər Əliyev Mərkəzində Heydər Əliyev Mərkəzində | |
| Şəxsi məlumatlar | |
| Doğum tarixi | |
| Doğum yeri | Mingəçevir, Azərbaycan SSR, SSRİ |
| Partiya | |
| Təhsili | |
| Atası | Cəbrayıl Əhmədov |
 Vikianbarda əlaqəli mediafayllar | |
Əhmədov Vüqar Cəbrayıl oğlu (3 yanvar 1975 Mingəçevir) – “Azərişıq” ASC-nin sədri (7 yanvar 2020-ci il tarixindən), “Azərişıq” ASC-nin sədrinin müavini (2015-2020), İqtisadiyyat və Sənaye Nazirliyi İstehlak Mallarının Ekspertizası Mərkəzinin direktoru.
Həyatı
Vüqar Əhmədov 3 yanvar 1975 -ci ildə Mingəçevir şəhərində anadan olmuşdur. Ailəlidir. 2 övladı var
Təhsili
Azərbaycan Dövlət İqtisad Universitetində menecment fakültəsində bakalavr və magistr pilləsi üzrə təhsil alıb. Daha sonra Azərbaycan Respublikası Prezidenti yanında Dövlət İdarəçilik Akademiyasını Dövlət və bələdiyyə idraəetməsi ixtisası üzrə bitirib. Azərbaycan Dövlət İqtisad Universitetinin İnformatika və idarəetmə fakültəsinin menecment kafedrasının iqtisad üzrə fəlsəfə doktoru proqramının doktorantıdır. 2015-2018-ci illər Rusiya Federasiyası Prezidenti yanında Xalq Təsərrüfatı və Dövlət Qulluğu Akademiyasında təhsil alıb. İxtisası iqtisadçı-energetikdir.
Əmək fəaliyyəti
Xarici İqtisadi Əlaqələr Nazirliyində və Azərbaycan Respublikası İqtisadi İnkişaf Nazirliyində müxtəlif vəzifələrdə çalışıb. Bir müddət Azərbaycan Respublikası İqtisadi İnkişaf Nazirliyi (sonradan İqtisadiyyat və Sənaye Nazirliyi) İstehlak Mallarının Ekspertizası Mərkəzinin direktoru olub. 14 oktyabr 2015-ci il tarixində Azərbaycan Respublikası Prezidentinin Sərəncamı ilə “Azərişıq” Açıq Səhmdar Cəmiyyətinə sədr müavini vəzifəsinə təyin olunub. 7 yanvar 2020-ci il tarixində Azərbaycan Respublikası Prezidentinin Sərəcamı ilə “Azərişıq” Açıq Səhmdar Cəmiyyətinə sədr təyin olunub.