Nizami Səfərov
| Nizami Səfərov | |
|---|---|
| Doğum tarixi | 30 noyabr 1960 (63 yaş) |
| Doğum yeri | |
| Təhsili | |
| Partiyası | |
| Mükafatları |
 Şablon:"Vətənə xidmətə görə" ordeni |
Nizami Səfərov (azərb. Nizami Səfərov; d. 30 noyabr 1960, Bakı) — Azərbaycan Respublikası Milli Məclisinin VI çağırış deputatı (2020), Hüquq siyasəti və dövlət quruculuğu komitəsinin üzvü[1].
Həyatı
Nizami Səfərov 1960-cı il noyabrın 30-da Bakı şəhərində doğulub.
Təhsili
1977-1982-ci illərdə Azərbaycan Dövlət Universitetinin hüquq fakültəsini “fərqlənmə” diplomu ilə bitirib. 1985-1988-ci illərdə M.V.Lomonosov adına Moskva Dövlət Universitetinin hüquq fakültəsinin aspiranturasını bitirərək, hüquq elmləri namizədi elmi dərəcəsini alıb. 2005-2007-ci illərdə Rusiya Federasiyası Xarici İşlər Nazirliyinin Beynəlxalq münasibətlər İnstitutunun (MGİMO – Universitet) doktoranturasını bitirərək, hüquq elmləri doktoru elmi dərəcəsini alıb. Ailəlidir.
Fəaliyyəti
Nizami Səfərov müxtəlif illərdə Azərbaycan Milli Elmlər Akademiyasının Fəlsəfə və Hüquq İnstitutunda şöbə müdiri, Azərbaycan Respublikası Ədliyyə Nazirliyinin Hüquq kadrlarını təkmilləşdirmə institutunda prorektor, Azərbaycan Respublikası Ədliyyə Nazirliyinin Beynəlxalq hüquq əməkdaşlığı şöbəsinin rəisi, Azərbaycan Respublikası Milli Məclisi Aparatının Konstitusiya qanunvericiliyi şöbəsində müdir müavini vəzifələrində çalışıb. 1998-ci ildə o, Azərbaycan Respublikası Milli Məclisi Aparatının İnzibati və hərbi qanunvericilik şöbəsinin müdiri təyin edilib.
Nizami Səfərovun monoqrafiyalarından ibarət “Avropa orderi yeganədir” (Европейский ордер единственное) adlı kitabı 2018-ci ildə Moskvada çap olunub. Dünyanın məşhur iki nəşrinin əməkdaşlığı ilə Almaniyada dərc olunan kitabda N.Səfərovun işlərinə istinad edilib. Ötən ilin martında M.V.Lomonosov adına Moskva Dövlət Universitetində terrorçuluq problemi mövzusunda mühazirə ilə çıxış edib. Almaniyada çap olunan “Roma Əsasnaməsi və Daxili Hüquq Ordaları” (The Rome Statute and Domestic Legal Ordes) toplusundakı məqalələrdən birinin müəllifidir.
Müxtəlif dövrlərdə Bakı Dövlət Universitetinin Hüquq fakültəsində beynəlxalq hüquq fənnini tədris edib. 2003-cü ildən hazıradək Rusiya Xarici İşlər Nazirliyinin Beynəlxalq Münasibətlər İnstitutunun (MGIMO-UNİVERSİTET) və O.E Kutafın adına Moskva Dövlət Hüquq Universitetinin beynəlxalq hüquq fənni üzrə üzrə dəvət olunmuş mühazirəçisidir.
Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində Moskvadakı Yəhudi Muzeyi və Tolerantlıq Mərkəzində Xocalı faciəsi qurbanlarının anım mərasimində çıxış edib.
Beynəlxalq Cinayət Məhkəməsinin problemləri üzrə Roma tədqiqat qrupunun üzvü, Türkdilli Ölkələrin Parlament Assambleyasının (TÜRKPA) Terrorçuluqla mübarizə problemi üzrə xüsusi məruzəçisidir. Müasir beynəlxalq hüquq problemlərinə həsr olunmuş 100-dən artıq elmi məqalələri müxtəlif xarici elmi jurnallarda nəşr olunub, beş elmi monoqrafiya müəllifidir. M.V.Lomonosov adına Moskva Dövlət Universitetinin jurnalının redaksiya heyətinin üzvüdür.
Təltif və mükafatları
- Azərbaycan Respublikası Prezidentinin 22 iyun 2006-cı il tarixli 1531 nömrəli sərəncamı ilə "Dövlət qulluğunda fərqlənməyə görə" medalı,
- Dövlət başçısının 22 iyun 2016-cı il tarixli 2131 nömrəli sərəncamı ilə 3-cü dərəcəli "Vətənə xidmətə görə" ordeni ilə təltif edilib[2].
İstinadlar
- ↑ "Nizami Səfərov" (Azərbaycan dili). apa.az. 4 may 2020 tarixində arxivləşdirilib.
- ↑ "Nizami Səfərov: 102 saylı Samux-Şəmkir seçki dairəsindən ən iddialı namizəd" (Azərbaycan dili). yenicag.az. 4 may 2020 tarixində arxivləşdirilib.