Nahidə Babaşlı
| Nahidə Babaşlı | |
|---|---|
| Ümumi məlumatlar | |
| Ləqəbləri | Nahide Babashli, Nahide Babashlı |
| Doğum tarixi | 22 iyul 1996 (27 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2018-ci ildən |
| Janr | pop musiqisi |
| Təhsili | |
Nahidə Babaşlı (22 iyul 1996, Bakı) — Azərbaycanlı söz yazıçısı və müğənni. 22 sentyabr 1996-cı ildə Bakı şəhərində dünyaya gəlmişdir. Musiqi dünyasının gənc istedadlarından biri kimi seçilən Nahidə Babaşlı əslən Azərbaycandır.[1]
Öz kanalında paylaşdığı Üzüm, Anla, Bir sözüm var, Dido, Gözlərimi bağlasam, Dəli olanlar, Sən məndən ayrıldın, Gəzi bağları, Gönlümdən vaz keç, Özünə fikir ver, Gözlərimdəki an, Zifiri mahnıları, musiqi həvəskarlarından milyonlarla bəyənmə və müsbət şərh aldı.
2014-cü ildə həyatını itirən Murat Göyəbaxanın Ay Yüzlüm mahnısını səsləndirmiş və səkkiz gün ərzində 1 920 581 izlənmə almışdır. Babaşlının ifası Türkiyə KİV-lərində də yüksək qiymətləndirilib və türk sosial media istifadəçiləri onun haqqında müsbət ifadələr işlədiblər.[2]
Həyatı
22 sentyabr 1996-cı ildə Azərbaycanın Bakı şəhərində 2 uşaqlı ailədə doğulmuşdur. Ali təhsilini Bakı Dövlət Universitetində fizika fakültəsində davam etdirmişdir. Elə bu zamanlar musiqiçi olmağı qərara almışdır. O universitet təhsili illərində dəfələrlə musiqi yazmağa cəhd etsə də alınmamışdır. Bir reportajında bildirmişdir:[3]
|
Birinci kursda Azərbaycan dili müəllimim Anar müəllim səsimin çox gözəl olduğunu dedi. Sonra məni akt zalının rəhbəri Bayram müəllimin yanına apardı ki, bu qızın istedadı var, onu səhnəyə çıxar, köməklik et. O da məni xora yazdı, amma köməyi olmadı. Bayram müəllim muğam oxuyanlara daha çox üstünlük verirdi. Mən də muğam oxumurdum. Bir ay sonra xordan çıxdım. Artıq ümidim qalmamışdı. Dedim, fikrimi dərslərimə verim. O da alınmadı. | 
|
Daha sonralar, atasının da köməkliyi ilə musiqi ifa etmiş və yayımlamışdır.[4] O, Azərbaycanı beynəlxalq musiqi müsabiqələrində təmsil etməyi arzulayır. Babaşlı hazırda öz üzərində daha çox işləyir. Gənc ifaçı müxtəlif janrlarda və dillərdə oxuyur. O, özünə daha çox xarici kompozisiyaları yaxın bilir.[5] Həmçinin, Azərbaycan dilində musiqi oxuduğunda problem yaşadığını bildirmişdir.[6]
İstinadlar
- ↑ "Nahide Babaşlı kimdir, kaç yaşında nasıl ünlü oldu?". 61saat.com (türk). İstifadə tarixi: 8 may 2020.
- ↑ "Azərbaycanlı ifaçı inqilab etdi: Heç kəsin tanımadığı qızı 2 milyon adam dinləyib". Sputnik Azerbaijani (az.). İstifadə tarixi: 8 may 2020.
- ↑ "Nahidə Babaşlı kimdir?". Kim Deyir. İstifadə tarixi: 8 may 2020.
- ↑ "Nahidə Babaşlı: "Atam heç vaxt oxumağıma qarşı çıxmayıb" - VİDEO". Zərdab.com (az.). 12 yanvar 2019. İstifadə tarixi: 8 may 2020.
- ↑ "Bir günə ulduz oldu". sputnik.az (az.). İstifadə tarixi: 8 may 2020.
- ↑ "Nahidə Babaşlı: Azərbaycan mahnıları oxuyanda problem yaşayıram - VİDEO". Sabaha-inamla.az. İstifadə tarixi: 8 may 2020.