Niyazi Bayramov

Niyazi Bayramov
Niyazi Müzəffər oğlu Bayramov
Fayl:Niyazibayram.jpg
Şəxsi məlumatlar
Doğum tarixi	26 mart 1956
Doğum yeri	Bakı, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Dövlət Universitetinin Hüquq fakültəsi
Fəaliyyəti	siyasətçi
Rütbəsi	Polkovnik
Təltifləri

Niyazi Müzəffər oğlu Bayramov (26 mart 1956, Bakı) — Gəncə Şəhər İcra Hakimiyyətinin başçısı (2018-ci ildən).

Həyatı

Niyazi Müzəffər oğlu Bayramov 1956-cı il martın 26-da Bakı şəhərində anadan olmuşdur.

Təhsili

1980-ci ildə Bakı Dövlət Universitetinin Hüquqşünaslıq fakültəsini bitirmişdir.

Fəaliyyəti

1980-1986-cı illərdə Azərbaycan Respublikasının Vəkillər Kollegiyasının üzvü kimi 4 saylı Hüquq məsləhətxanasında vəkil işləyib.

1986-1992-ci illərdə Səbail Rayon İcra Hakimiyyətində şöbə müdiri, 1992-1995-ci illərdə Səbail Rayon İcra Hakimiyyəti Başçısının müavini, 1995-1997-ci illərdə Azərbaycan Respublikası Dövlət Gömrük Komitəsinin sədri yanında İnspeksiyanın rəisi, 1997-2001-ci illərdə Gəncə Şəhər Gömrük İdarəsinin rəisi, Dövlət Gömrük Komitəsində Baş İdarə Rəisinin müavini, 2009-2012-ci illərdə Azərbaycan Respublikası Fövqəladə Hallar Nazirliyinin Qarabağ Regional Mərkəzinin, 2012-ci ildə Sumqayıt Regional Mərkəzinin rəisi, 2012-2018-ci illərdə isə Mingəçevir Şəhər İcra Hakimiyyətinin başçısı vəzifələrində çalışıb.

Azərbaycan Respublikası Prezidentinin 28 avqust 2018-ci il tarixli Sərəncamı ilə Gəncə Şəhər İcra Hakimiyyətinin başçısı vəzifəsinə təyin edilib.

Yeni Azərbaycan Partiyasının üzvüdür. Qarabağ müharibəsi iştirakçısıdır. Polkovnikdir.

Ailəlidir, 2 övladı var.

Həmçinin bax

• Gəncə şəhəri

Xarici keçidlər

• Mingəçevir icra başçısının 180-lə gedən maşınına İH-dən açıqlama: "Sürüb-sürüb də, burada nə var ki..."