Şahin Balayev
Şahin Balayev | |
---|---|
Şəxsi məlumatlar | |
Tam adı | Şahin Şakir oğlu Balayev |
Vətəndaşlığı | Azərbaycan SSR —> Azərbaycan |
Doğum tarixi | |
Doğum yeri | Kəlbəcər rayonu, Qaraçanlı kəndi |
Təhsili | Gəncə Dövlət Universiteti |
İdman növü | Karate, muaytay |
Məşqçisi | Tanrıverdi Məmmədov |
Ağırlıq dərəcəsi | 85 kq |
5.09.2018 tarixində yenilənib. |
Şahin Şakir oğlu Balayev (26 may 1982, Qaraçanlı, Kəlbəcər rayonu) — Azərbaycanlı karateçi, beynəlxalq dərəcəli idman ustası
Həyatı
Şahin Balayev 1982-ci ildə Kəlbəcər rayonunun, Qaraçanlı kəndində anadan olub.
1988-1999-cu illərdə Gəncə şəhəri 18 saylı tam orta məktəbdə təhsil alıb. 1999-cu ildə Gəncə Dövlət Universitetinin Filologiya fakültəsinə daxil olub. 2003-cü ildə həmin universitetin məzunu olub.
2003-2004-cü illərdə Sərhəd Qoşunlarının Xüsusi Təyinatlı Çevik Hərəkət Bölüyündə hərbi ximət keçib.
Evlidir, bir övladı var.
Hazırda Abşeron rayonu, Bakı şəhərində yaşayır və Səngəçal terminalında çalışır.
Fəaliyyəti
İdmanın karate növü ilə məşğul olur. Bu növdə həm ölkədaxili yarışlarda, həm də beynəlxalq turnirlərdə bir sıra uğurlara imza atıb.
2013-cü ildə karatenin WKC növləri üzrə İtaliyada keçirilən Dünya Çempionatında fərdi kumite yarışlarında dünya çempionu, komanda hesabında isə dünya üçüncüsü olub.[1][2]
2014-cü ildə Karatenin WKC növləri üzrə Rusiyada keçirilən Avropa Çempionatında bürünc medal qazanıb. Həmin il Ukraynada keçirilən Şaolin döyüş növləri üzrə 2-ci Dünya Çempionatında çəkisi 85 kq-dan yuxarı olan idmançıların mübarizəsində qalib olub.
2015-ci ildə Moldovada keçirilən Karate üzrə Dünya Çempionatının da qalibi adını qazanıb.[3] 2016-cı ildə Ukraynada keçirilən Dünya Kubokunun qalibi olub.[4]
2018-ci ildə Ukraynada keçirilən dünya kubokunun qalibi olub.
3-cü dan qara kəmər sahibi və beynəlxalq dərəcəli idman ustasıdır.
Şəkillər
İstinadlar
- ↑ Jalə Rzabəyli. "Karateçilərimiz dünya çempionatından kubok və medallarla qayıdıblar" ( (az.)). olimpnews.az. 2013-12-05. 2018-09-05 tarixində arxivləşdirilib. İstifadə tarixi: 2018-09-05.
- ↑ Kəpəz TV. "İdmançılarımızın qarşılanma mərasimi olub" ( (az.)). YouTube. 2013-11-27. İstifadə tarixi: 2018-09-05.
- ↑ ARB. "Komandamız 6 qızıl, 4 gümüş medal qazanıb" ( (az.)). YouTube. 2015-11-28. İstifadə tarixi: 2018-09-05.
- ↑ "Azərbaycan karateçiləri Ukraynadan medallarla qayıtdılar" ( (az.)). 7news.az. 2016-05-12. 2018-09-05 tarixində arxivləşdirilib. İstifadə tarixi: 2018-09-05.
Xarici keçidlər
- İdman Azərbaycan TV. "[[İdman sağlamlığın rəhnidir (veriliş)|İdman sağlamlığın rəhnidir]]" ( (az.)). YouTube. 2013-12-28. İstifadə tarixi: 2018-09-05.
- ARB. "[[Fakt idman (veriliş)|Fakt idman]]" ( (az.)). YouTube. İstifadə tarixi: 2018-09-05.
- Şahin Balayevin Ukraynada keçirilən Dünya Kubokundakı döyüşü