Kamil Akimov
Kamil Akimov | |
---|---|
Şəxsi məlumatlar | |
Doğum tarixi | 11 iyul 1927 |
Doğum yeri | |
Vəfat tarixi | 19 iyun 2019 (91 yaşında) |
Vəfat yeri | |
Milliyyəti | azərbaycanlı |
Vətəndaşlığı |
SSRİ→ Azərbaycan |
Partiya | Kommunist partiyası |
Təhsili |
Bakı Neft Texnikumu Azərbaycan Sənaye İnstitutu |
|
|
Təltifləri |
Kamil Əlisoltan oğlu Akimov (Həkimov) (11 iyul 1927, Petropavlovka, Salyan qəzası – 19 iyun 2019, Bakı) — ictimai xadim, neft sənayesi təşkilatçısı, Azərbaycan Respublikasının "Əməkdar Mühəndis"i.[1]
Həyatı
Kamil Akimov 1927-ci il iyulun 11-də Sabirabad şəhərində sənətkar ailəsində anadan olub. 1943-cü ildə Bakı Neft Texnikumuna daxil olmuş, 1947-ci ildə bu texnikumu fərqlənmə diplomu ilə bitirdikdən sonra təhsilini Azərbaycan Sənaye İnstitutunda davam etdirib və eyni zamanda Neftayırma zavodunda operator köməkçisi kimi əmək fəaliyyətinə başlayıb[2]. 1952-ci ildə ali təhsilini neft və qazın emalı üzrə mühəndis-texnoloq ixtisası ilə başa vurduqdan sonra zavodun ən məhsuldar qurğularından birinə rəis təyin edilib[1].
Əmək fəaliyyəti
- Kamil Akimov, 1962-ci ildə zavodun baş mühəndisini müavini;
- 1963-cü ildə Azərbaycan KP MK, respublika Nazirlər Soveti yanından yeni təşkil olunmuş Partiya Dövlət Nəzarət Komitəsinin neft və kimya sənayesi şöbəsinə rəis müavini;
- 1964–1967-ci illərdə Bakı Neft Emalı Zavodunun direktoru;
- 1967–1970-ci illərdə Azərbaycan SSR Neft Emalı Sənayesi nazirinin birinci müavini;
- 1970–1980-ci illərdə Azərbaycan SSR Neft Emalı Sənayesi naziri vəzifələrində çalışmışdır.
- 1980-ci ildə II çağırışda Ali Sovetin deputatı seçilib.
O, ayrı-ayrı illərdə İraqda və Kubada neft emalı zavodlarının yenidən qurulmasında sovet mühəndislərinin işinə birbaşa rəhbərlik edib, həmin ölkələrin fəxri fərmanları və yüksək mükafatlarına layiq görülüb[1].
Mükafatları
- "Şərəf nişanı" ordeni
- "Oktyabr inqilabı" ordeni
- "Qırmızı əmək bayrağı" ordeni
- Azərbaycan respublikası Ali Sovetinin Fəxri Fərmanı ilə təltif edilib.[3][4]
Vəfatı
2019-cu il iyunun 16-da Bakı şəhərində vəfat etmişdir[5].
İstinadlar
- ↑ 1 2 3 Azərbaycanın əməkdar mühəndisi Kamil Akimov
- ↑ Nəsillərə örnək ömür
- ↑ Avropada və Asiyada neft-qaz təmayüllü ilk texniki ali təhsil müəssisəsi. Bakı, "Çaşıoğlu", 2010, s.399
- ↑ Şamaxı ensiklpediyası
- ↑ Azərbaycanın tanınmış mühəndisi
- 11 iyulda doğulanlar
- 1927-ci ildə doğulanlar
- Sabirabadda doğulanlar
- 19 iyunda vəfat edənlər
- 2019-cu ildə vəfat edənlər
- 91 yaşında vəfat edənlər
- Uzunömürlülər
- Bakıda vəfat edənlər
- "Şərəf nişanı" ordeni ilə təltif edilənlər
- "Oktyabr inqilabı" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan SSR xalq komissarları və nazirləri