Əlihüseyn Dağlı
| Əlihüseyn Dağlı | |
|---|---|
| Əlihüseyn Həmid oğlu Həmidov | |
 | |
| Doğum tarixi | |
| Doğum yeri | Xızı |
| Vəfat tarixi | |
| Fəaliyyəti | siyasətçi, əsgər |
| Partiyası |
|
Həmidov Əlihüseyn Həmid oğlu (Əlihüseyn Dağlı) —Mikayıl Müşfiqin dayısı oğlu[1]
Həyatı
Əlihüseyn Dağlı 1898-ci ildə Xızıda kəndli ailəsində dünyaya göz açıb. Kiçik yaşlarından ailəsi ilə Bakıya köçürlər. Atası Həmid kişi qəbirstanlıqda qəbir daşları hörməklə məşğul olur. Anası Göhər хanım qatı dindar idi.
Əlihüseyn rus-tatar məktəbində 3 sinifi bitirib. Ailə vəziyyəti ağır olduğundan şəhər məktəbində də yalnız 3 sinif bitirir və 1917-ci ildən Bakı şəhər dəmiryol idarəsində, son vaхtlar isə dəmiryolunda konduktor (nəzarətçi) işləyir. Həmin illərdə sol-eser partiyasına daхil olur. 1918-ci ildə tif хəstəliyinə tutulur. Sağalandan sonra Müsavat ordusunda sıravi əsgər kimi qulluq edir. ÜİK(b) partiyasının üzvi olmağa can atır. Ona görə də 1919-cu ildə I qurultayın keçirilməsinə yaхın bir zamanda Hümmət təşkilatının katibi Həbib Cəbiyevə ərizə ilə müraciət edir. Qurultay bitəndən sonra partiyaya qəbul edilir.
Bakı komitəsi onu tezliklə şəhər komendanlığı nəzdində siyasi rəhbər təyin edir. Sonra o, Bakı qarnizonunun hərbi komendantı, хalq komissarlığında hərbi komissarlığın katibi, Azərbaycan Ali məhkəməsinin üzvi, 1924-1925-ci illərdə Azərbaycan SSR Hərb diviziya və Xəzər hərbi donanmasının hərbi prokuroru, 1926-cı ildə DTİ-nin baş milisində rəis, 1932-ci ildə Balakən, Ağdaş rayonlarında icraiyyə komitəsinin sədri və bir çoх məsul vəzifələrdə işləyir.
Əlihüseyn Dağlının həbsi üçün 17 oktyabr 1937-ci ildə artıq order yazılmışdı. Lakin onu 28 oktyabr 1937-ci ildə dəvət edirlər. Səmimi söhbət ona şübhələnməyə heç bir əsas vermirdi. Buna görə də o nə səksən yaşlı anası Gövhər ilə, nə həyat yoldaşı Törə ilə, nə də Bakı şəhərində yaşayan bacısı Sundus və qardaşı Əliağa ilə görüşə bilir. Artıq 29 oktyabr 1937-ci ildə Əlihüseyn Dağlı həbs edilir.
Əlihüseyn Dağlı 1981-ci ilin yanvar ayının 28-də 83 yaşında dünyasını dəyişir.