Çöl ağcaqayını

Vikipediya, azad ensiklopediya
Jump to navigation Jump to search

Çöl ağcaqayını (lat. Acer campestre) — hündürlüyü 15 m-yə qədər olan enli çətirli ağac və yaxud ağacşəkilli hündür kol. Gövdəsinin qabığı qonura çalan-boz rəngdə olub, uzununa çatlıdır.

Yarpaq[redaktə | əsas redaktə]

Yarpaqlarının uzunluğu 4-8 sm, eni 4-10 sm, küt 5-bölümlü, nadir hallarda 3-bölümlüdür, yarpağın qaidə hissəsi ürəkşəkillidir,nazikdir, üst tərəfədən tutqun tünd-yaşıl, alt tərəfədən isə daha açıqdır, sarımtıl-yaşıl rənglidir və tükcüklüdür və yaxud yalnız yarpaqların küncündə saqqalcıqlıdır. Saplaqları eynidir, yarpaq ayasından bir az uzun və ya qısadır.

Çiçək[redaktə | əsas redaktə]

Çiçəkləri xırda, sarımtıl-yaşıl rəngdədir. Çiçək qrupunun oxu, çiçək saplağı, kasa yarpağı və ləçəklər (kənarları) tükcüklüdür. Qanadcıqlarının uzunluğu 2-4 sm-dir, üfüqi xətt üzrə yerləşmiş, bəzən qanadları oraqvari əyilmiş halda olur.

Meyvə[redaktə | əsas redaktə]

Findiqca meyvələri çılpaq və ya yumşaq tükcüklüdür.

Çiçəkləməsi[redaktə | əsas redaktə]

Aprel-May, çiçəkləmə yarpaqların açılması ilə eyni vaxtda və yaxud gec olur. Meyvə verməsi: Avqust-Sentyabr

Azərbaycanda yayılması[redaktə | əsas redaktə]

Samur-Şabran oval., BQ (Quba), BQ şərq, BQ qərb, Alazan Əyriçay, KQ şimal, KQ mərkəz, KQ cənub, Nax. dağ, Lənk. dağ. Aşağı dağ qurşağından yuxarı dağ qurşağına qədər.

Yaşayış mühiti[redaktə | əsas redaktə]

Meşə kənarında və meşələrdə qarışıq halda rast gəlinir.

Təsərrüfat əhəmiyyəti[redaktə | əsas redaktə]

Dekorativ bitkidir. Oduncağı xırda məmulatların hazırlanmasında istifadə olunur.[1]

İstinadlar[redaktə | əsas redaktə]

  1. Eldar Şükürov.İsmayıllı rayonu meşə bitkilərinin bələdçi kitabı,Bakı 2016