Çingiz Məmmədov

Vikipediya, azad ensiklopediya
Jump to navigation Jump to search
Çingiz Məmmədov
Çingiz Məmmədov.png
Doğum tarixi 10 oktyabr 1961(1961-10-10)
Doğum yeri Aşağı Əskipara, Qazax, Azərbaycan

Çingiz MəmmədovQarabağ müharibəsi Əlili.[1]

Həyatı[redaktə | əsas redaktə]

Məmmədov Çingiz Pirvəli oğlu 10 Oktyabr 1961-ci ildə Qazax rayonunun Aşağı Əskipara kəndində anadan olmuşdur. 1969-1979-cu illərdə Qazax rayon Aşağı Əskipara kənd orta məktəbində təhsil almışdır. 1980-ci ildə hərbi xidmətə çağırılır. O,əvvəlcə Ukrayna Respublikasında 6 ay hərbi təlim keçmiş, daha sonra isə 1 il 6 ay Arxangelskidə hərbi xidmətini davam etdirmişdi. Çingiz 1983-cü ildə Gürcüstan Respublikasının Tiflis şəhərində 6 aylıq milis kursu keçmişdir. O, 1983-1990-cı ildə həmin şəhərdə milis işçisi kimi çalışmışdır.[1]

Döyüş yolu[redaktə | əsas redaktə]

1990-ci ildən respublikamızda gedən hadisələrlə əlaqədar o, öz iş yerini Qazax rayon milis şöbəsinə dəyişdi. 1990-1994-сü illərdə milis nəfəri kimi Aşağı Əskipara, Xeyrımlı , Bağanıs Ayrım kəndlərinin müdafiəsi uğrunda gedən bütün döyüşlərdə qəhrəmanlıq göstərmişdir. Döyüşlərin birində 9 güllə yarası alıb. Sonradan dövlət tərəfindən bir neçə xarici ölkəyə müalicə almaq üçün göndərilib. 2-ci qrup əlildir.[1]

Xatirələri[redaktə | əsas redaktə]

" Yuxarı Əskipara kəndi mühasirədə olduğuna görə dinc əhalinin ora gedib-gəlməsi üçün milli qəhrəman Şamo Çobanov ilə onları müşayiət edirdik. 1990-cı il avqust ayının 19-da "Səməd ağa vurulan dərə" adlı yerdə sərnişin avtobusunun qarşısı erməni quldurları tərəfindən kəsildi. Erməni daşnakları avtobusdan düşməyimizi və təslim olmağımızı istədilər. Biz hazır vəziyyətdə olduğumuza görə dərhal erməni quldurlarına atəş açdıq. Təxminən yarım saatdan sonra atəş dayandı. Bizim yaralı olduğumuzu zənn edən bir nəfər erməni əsgəri yaralıları güllələmək və meyidləri götürmək məqsədilə avtobusa daxil oldu. Mən cəld tərpənib maqazində qalan 9 gülləni onun beyninə doldurdum. Lap yaxından inilti səsi eşitdim. Pəncərədən baxanda 2 erməni yaralı halda gördüm. Vəziyyətimin ağır olmağına baxmayaraq maqazini dəyişdim və onlara yenidən atəş açdım. 4-5 dəqiqədən sonra Ruslan Abıyev adlı rus komandirinin rəbərliyi ilə 2 ZTR maşını köməyə gəldi. Yaralıları və meyidləri ZTR-ə qoyub Aşağı Əskipara kəndinə gətirdik. "

Ailəsi[redaktə | əsas redaktə]

Ailəlidir. İki övladı var.

İstinadlar[redaktə | əsas redaktə]

  1. 1 2 3 “Ölümə qənşər”". Mədəniyyət. 5 avqust 2015. İstifadə tarixi: 11 mart 2016.