Birillik, hündürlüyü 60-100 sm olan, demək olar ki, çılpaq bitkidir. Gövdəsi düz, qarşılıqlı budaqlıdır. Yarpaqları qarşılıqlı, üç lansetvari hissəyə bölünmüşdür, yuxarı yarpaqları çox vaxt bütövdür. Səbətcikləri 7–13 mm enində, düzdayanan, yarımkürəvaridir; sarğısının 5-8 sayda olan xarici yarpaqcıqları uzunsov, daxili yarpaqcıqlarının kənarları pərdəşəkillidur, dilcik çiçəkləri çox vaxt olmur. Toxumcaları 5–7 mm uzunluqda, yastı uzunsov, tərsyumurtavaridir.[4]
BQ qərbi, BQ şərqi, BQ Quba sahəsi, Samur-Dəvəçi və Xəzər sahili ovalığının rayonlarında arandan aşağı dağ qurşağına kimi yayılmışdır. Rütubətli yerlərdə, meşələrdə, çay, arx, su tutarları və bataqlıq kənarlarında bitir.[5]
