İlişdin (film, 1898)

Vikipediya, azad ensiklopediya
Jump to navigation Jump to search
İlişdin
Kaspi qəzeti, 2 avqust 1898.jpg
Janr komediya
Rejissor Aleksandr Mişon
Ssenari müəllifi Aleksandr Mişon
Operator Aleksandr Mişon
İlk baxış tarixi 2 avqust 1898[1]
Filmin digər adı Tutuldun
Rəng ağ-qara
Dil səssiz
Texniki məlumat 1 hissə
35 mm
IMDb ID 1440201

İlişdin1898-ci ildə çəkilmiş qısametrajlı sənədli film.[2]

Məzmun[redaktə | əsas redaktə]

Kinosüjetdə Bakı şəhər bağında baş vermiş məzəli əhvalat öz əksini tapır.

Bakı. Şəhər bağı. Əlində günəş çətiri tutmuş zadəgan xanım gəlib skamyalardan birində oturur. Arxadan xanıma yaxınlaşan bir cibgir ehmallıca onun qolundan salladığı əl çantasından pulu götürmək istərkən möhkəm və ağır bir əl oğrunun qolundan yapışır. Bunu gözləməyən cibgir gözləri qorxudan bərəlmiş halda dönüb onu yaxalayan adama yazıq-yazıq baxır. Jandarm özündən razı halda gülümsəyir və cibgirə deyir: İlişdin.

Film haqqında[redaktə | əsas redaktə]

Kinosüjet Bakıda V.İ.Vasilyev-Vyatskinin teatr-sirkində avqustun 2-də axşam saat 21.00-da ayrıca proqramla nümayiş etdirilmişdir.

"İlişdin" kinosüjeti ilə Azərbaycan bədii kinosunun əsası qoyulmuşdur.

Kinolent barədə məlumat "Kaspi qəzeti"ndə verilmişdir.

Kinosüjet "Canlı fotoşəkillər" kolleksiyası adı altında 1900-cü ildə Parisdə Ümumdünya sərgisində böyük uğurla nümayiş etdirilmişdir. Nümayiş etdirilən süjetlər arasında "Bibiheybətdə neft fontanı yanğını", "Əlahəzrət Buxara əmirinin "Veliki knyaz Aleksey" paroxodunda yolasalma mərasimi", "Qafqaz rəqsi, "1898-ci il avqustun 4-də Balaxanıda neft fontanı" kinosüjetləri də var idi. Bunları izləyən Lümyer qardaşları onlardan bir neçəsini almış və öz kolleksiyalarına daxil etmişlər. Sonradan həmin kinosüjetlər Paris kinoarxivinə təhvil verilmiş və bu günə kimi orada qorunub saxlanılır.

Filmin heyəti[redaktə | əsas redaktə]

Film üzərində işləyən[redaktə | əsas redaktə]

Ssenari müəllifi: Aleksandr Mişon
Quruluşçu rejissor: Aleksandr Mişon
Quruluşçu operator: Aleksandr Mişon

İstinadlar[redaktə | əsas redaktə]

  1. Aydın Kazımzadə. Azərbaycan kinosu. Filmlərin izahlı kataloqu: 1898-2002. 2cilddə. 1-ci cild. Bakı: Nağıl evi, 2003.
  2. İlk Azərbaycan filmləri: ["İlişdin", "Qafqaz rəqsi", "Arvad"] //Ekran efir.- 2008.- 1 avqust.- S. 19.

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 12.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 812.
  • Aydın Kazımzadə. "Bu belə olub". [Azərbaycan kinosu - 110] //"Cinema News" jurnalı.- 2008.- iyun.- səh. 10-11.