İlin tələbəsi (film, 2019)

Vikipediya, azad ensiklopediya
Naviqasiyaya keçin Axtarışa keçin
İlin tələbəsi
Janr romantik komediya
Prodüser
İlk baxış tarixi 10 may 2019
Müddət 146 dəq.[1]
Ölkə
Dil Hind dili
Əvvəlki film İlin tələbəsi (film, 2012)
IMDb ID7255568

İlin tələbəsi 2 — Ssenari müəllifi Ərşad Syed olan və rejissor Punit Malhotra tərəfindən çəkilmiş 2019-cu il istehsalı Hindistan yeniyetmə romantik komediya filmidir.

Baş rollarda Tiger Shroff, Tara Sutaria, Ananya Pandey və Aditya Sil oynamışdırlar.

Film kollecdə ilin tələbəsi olmağa çalışan Rohan Sachdevin hekayəsindən bəhs edir.

Filmin prodüserləri Karan Cohar, Yaş Cohar və Apoorva Mehtadır. Fox Star Studios filmin distribütoru və müştərək prodüseri kimi çıxış etmişdir. Filmin saundtrekini Vişal-Şekhar bəstələyib.

Filmin çəkilişləri 2018-ci ilin aprelində Dehradunda başlayıb və 2018-ci ilin sentyabrında başa çatıb.

Filmin premyerası 10 may 2019-cu ildə baş tutub. Ekrana çıxdıqdan sonra film ssenarisi qeyri-real vəziyyətləri və Hindistan məktəblərinin və kolleclərinin qeyri-real təsvirini verdiyinə və onları pislədiyinə görə tənqidçilərdən mənfi rəylər almışdır. Rotten Tomatoes saytında 6% reytinqə malikdir ki, bu da, hər hansı bir hind filminin malik olduğu ən aşağı reytinqlərdən biridir.

Süjet xətti[redaktə | mənbəni redaktə et]

Orta sinif şagirdi olan Rohan Sachdev uşaqlıq sevgilisi Mridula Çavla oraya köçdükdən sonra məşhur Müqəddəs Tereza Kollecinə daxil olmaq qərarına gəlir. Rohan atletik bacarıqlarını nümayiş etdirərək kolleci fəth edəndə onlar münasibətə başlayırlar. Rohan İlin Tələbəsi seçilən Manav Singh Randhawa ilə dostlaşır, lakin ona nifrət edən və onu təhqir edən məşhur bacısı Şreya ilə aralarında fikir ayrılığı mövcuddur. Onun zarafatlarından biri Rohan və onun əvvəlki məktəbdəki dostları arasında fikir ayrılığı yaradır.

Rohan-Miya və Manav-Şreya bir rəqs yarışması üçün birləşirlər, Manav-Şreya cütlüyü Mia rəqsdə büdrədikdən sonra qalib gəlirlər. Rohan, Miyanın Manavla yaxınlaşdığını kəşf edir və Miyanın Rohanın imicini ləkələməsi üçün qəsdən hazırlandığını başa düşür. O bu haqda Manavla söhbət edərkən Manavı vurur və qovulur. Əvvəlcə ruhdan düşsə də, o, sonradan geriyə qayıdır və İlin Tələbəsi kubokunu əldə etmək üçün Manavla mübarizə aparır.

Rohan köhnə məktəbinə, Pişorilala qayıdır və burada onun səmimiliyindən heyran olan Şreya Rohanın köhnə dostları ilə barışmasına kömək edir. O, həmçinin onu milli rəqs yarışmasında iştirak etməyə təşviq edərək inandırır. Onlar məşq edərkən Şreya ona aşiq olur. Bu vaxt Miya Manavı aldatdıqdan sonra onu geri qaytarmaq cəhdləri Şreyanın onun üzərinə qəhvə tökməsi ilə nəticələnir.

İstinadlar[redaktə | mənbəni redaktə et]

  1. IMDb (ing.). 1990.