İlyin itburnusu
İlyin itburnusu | ||||
---|---|---|---|---|
Elmi təsnifat | ||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Cins: Növ: İlyin itburnusu |
||||
Beynəlxalq elmi adı | ||||
|
İlyin itburnusu (lat. Rosa iljinii) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.
Təbii yayılması[redaktə | mənbəni redaktə et]
Qafqazda yayılmışdır.
Botaniki təsviri[redaktə | mənbəni redaktə et]
Hündürlüyü 1,5 m-dək olan koldur. Gövdəsinin qabığı; yaşılımtıldır, budaqları seyrəkdir. İynələri tək-tək, uzunluğu 4-6 mm, oraqvari-əyilmişdir. Yarpaqları iri, uzunluğu 8-10 sm, 7 ədəd xırda yarpaqlı, raxisi çılpaq, seyrək vəziciklidir, vəzicikləri gövdəciklidir. Xırda yarpaqları dərili, uzunluğu 12-18 mm, eni 8-12 mm, hər tərəfdən çılpaq və hamar, kənarları sadə dişli və vəziciklidir. Yalançı zoğların uzunluğu 10-12 mm, enli-lansetvari, kənarları vəzicikli, hər tərəfdən çılpaq və hamardır. Çiçək saplağının uzunluğu 10-15 mm, vəziciklidir (tükcükləri yoxdur). Kasayarpaqların uzunluğu 15 mm, kürəyi vəzicikli, içərisi zəif tükcüklü, lələkvari çıxıntılıdır, çiçəklədikdən sonra, kənarları əyilir. Dişicik ağızcığının başı zəif tükcüklüdür. Meyvəsi (hipanti) ovaldır, yetişdikdə narıncı-qırmızı rəngdə olur.
Ekologiyası[redaktə | mənbəni redaktə et]
Rütübətli, çimli torpaqlarda, kölgəli ərazilərdə bitir.
Azərbaycanda yayılması[redaktə | mənbəni redaktə et]
Quba rayonu, Xızı və Cigitdağ kəndləri Qusar rayonu, Gil kəndi və Piral kəndlərində yayılmışdır.
İstifadəsi[redaktə | mənbəni redaktə et]
Meyvələrinin tibbidə və yeyintidə tətbiqi məqsədyönlüdür. Yaşıllaşdırmada istifadə olunmur.