İmran Qurbanov

Vikipediya, azad ensiklopediya
Jump to navigation Jump to search
İmran Qurbanov
azərb. Qurbanov İmran Hümbət oğlu
Qurbanov İmran Hümbət oğlu.jpg
İmran Qurbanov (7 vevral 2018-ci il)

Doğum tarixi 17 aprel 1964 (1964-04-17) (55 yaş)
Doğum yeri Nərimanlı, Basarkeçər rayonu, Ermənistan SSR, SSRİ
Vətəndaşlığı SSRİ SSRİ
Azərbaycan Azərbaycan
Qoşun növü Quru qoşunları
Xidmət illəri 1991
Rütbə tibb xidməti kapitanı (1994)
Hərbi hissə 701 saylı hərbi briqada
Vəzifəsi tibb bölüyünün komandiri
Döyüşlər Qarabağ müharibəsiKəlbəcər döyüşüLaçın döyüşü
İstefada 1997-ci ildən
Təltifləri Azərbaycan Silahlı Qüvvələrinin 90 illiyi (1918-2008) yubiley medalı - lent.png
Commons-logo.svg Vikianbarda əlaqəli mediafayllar

İmran Qurbanov (azərb. Qurbanov İmran Hümbət oğlu‎; d. 17 aprel, 1964. Nərimanlı, Basarkeçər rayonu, Ermənistan SSR, SSRİ) – Azərbaycan həkimi, tibb xidməti kapitanı (1994), 701 saylı hərbi hissənin tibb bölüyünün komandiri (1992), Baş Qərargah polikilinkasının cərahiyyə şöbəsinin rəisi (1994-1997), Qarabağ müharibəsi iştirakçısı, Respublika Kliniki Xəstəxanasında qəbul şöbəsinin müdiri (1998-indi) və baş həkimin cərrahi işlər üzrə müavini (2013-indi), "Azərbaycan Respublikası Silahlı Qüvvələrinin 90 illiyi (1918-2008)" yubiley medalı (2013) laureatı, Prezident təqaütçüsü. Yeni Azərbaycan Partiyasının üzvü (1998).

Həyatı[redaktə | əsas redaktə]

İmran Qurbanov 1964-cü il aprel ayının ayının 17-də Qərbi Azərbaycanın Göyçə mahalının Basarkeçər rayonunun Nərimanlı kəndində anadan olub. 1971-1981-ci illərdə Nərimanlı kənd orta məktəbində orta təhsil almış, orta məktəbi “Qızıl medal”la bitirmişdir. 1982-ci ildə Azərbaycan Dövlət Tibb İnstitutunun “Əzcaçılıq” fakültəsinə qəbul olsa da, istədiyi fakültəyə qəbul olmadığı üçün imtina edərək, 1982-1984-cü illərdə həqiqi hərbi xidmət keçmişdir. 1985-ci ildə Azərbaycan Dövlət Tibb İnstitutunun "Müalicə proflaktika" fakültəsinə ən yüksək qiymətlə qəbul olmuş, 1991-ci ildə ATU-nu fərqlənmə diplomu ilə bitirmişdir. 1991-ci ildə Respublika Kliniki Xəstəxanasında internaturaya başlamış, 1992-ci ildən könüllü hərbi xidmətə getmişdir.[1]

Hal-hazırda Qarabağ qazisi və Prezident təqaüdçüsüdür. 1998-ci ildən Akademik M.Ə.Mirqasımov adına Respublika Kliniki Xəstəxanasında qəbul şöbəsinin müdiri və 2013-cü ildən həmçinin baş həkimin cərrahi işlər üzrə müavinidir.

1998-ci ildən Yeni Azərbaycan Partiyasının üzvü, YAP Yasamal rayon təşkilatında siyasi şuranın üzvüdür.

Qarabağ müharibəsində iştirakı[redaktə | əsas redaktə]

1992-ci ilin may ayının 19-dan birinci birqadanın (701 saylı) tibb bölüyünün baş ordinatoru kimi hərbi qulluğa başlamışdır. Kəlbəcər-Ağdərə istiqamətində gedən döyüşlərdə iştirak etmiş, 1992-ci ilin iyun ayında tibb bölüyünün komandiri təyin olunmuşdur.[2] 1992-ci ildə SSRİ ordusunun Salyan kazarmasında yerləşən tibb batalyonunu akta qəbul etmişdir. Qısa müddətdə heç bir sturkturu olmayan tibb bölüyünü formalaşdırmağa başlamışdır. Ağdərə işğaldan azad olunduqdan sonra Laçın istiqamətinə dislokasiya olunaraq Laçın rayonunun Taxtazavod (Hacısamlı) kəndində “Ön Səhra hospitalı” kimi fəaliyyət göstərən tibb bölüyünü tam formalaşdırmışdır. Laçın rayonunun 44 kəndinin, Hocaz yüksəkliyinin azad olunması uğurunda gedən döyüşlərdə yaralanan bütün şəxsi heyyətə tibb xidməti həmin hospitalda göstərilmişdir. Kəlbəcərin işğal olunmasına – mart ayının 31-nə qədər Laçın rayonunda yerləşən hospital 31 martdan Kəlbəcər istiqamətinə dislokasiya olunmuşdur. Kəlbəcər rayonunun tam işğalından sonra aprel ayının 3-dən hospitalı Toğana kəndində yerləşdirmişdir. Kəlbəcər rayonunun 16 kəndinin geri alınması uğurunda gedən döyüşlərdə (1993-cü il dekabrın 30-dan, 1994-cü il fevral ayının 13-dən) yaralanan şəxsi heyyətə onun rəhbərlik etdiyi hospitalda ixtisaslaşdırılmış tibbi yardım göstərilmişdir. KəlbəcərdənMurovdağdan keçməklə yaralıların 3 mərhələli təxliyyəsinin təşkili, ixtisaslaşdırılmış tibbi yardımın düzgün və vaxtında yerinə yetirilməsi hesabına hospitalda ölüm faizi cəmi 7% olmuşdur. Bütün bunlara görə dəfələrlə kamandanlığın fəxri fərmanları ilə təltif olunmuşdur. 1994-cü ilin may ayında növbədənkənar tibb xidməti kapitanı hərbi rütbəsi verilmiş və Müdafiə Nazirliyinin Baş Qərargah polikilinkasının cərahiyyə şöbəsinin rəisi vəzifəsinə təyin olunmuşdur. 1997-ci ilin oktyabr ayından ehtiyata təxris olunmuşdur.[3]

Kurs və təlimlər[redaktə | əsas redaktə]

2000-ci ildə Gürcüstanın Tbilisi şəhərində; 2001-ci ildə ildə Özbəkistanın Daşkənd şəhərində; 2002-ci ildə ABŞ-ın Hyuston şəhərində, Beylor Tibb kollecində; 2005-ci ildə Türkiyənin İstanbul şəhərində təkmilləşdirmə kurslarında olmuşdur.

Təltif və mükafatları[redaktə | əsas redaktə]

Azərbaycan Respublikası Prezidentinin adından Azərbaycan Respublikası Müdafiə nazirinin “0175 t” nömrəli, 4 sentyabr 2013-cü il tarixli əmri ilə "Azərbaycan Respublikası Silahlı Qüvvələrinin 90 illiyi (1918-2008)" yubiley medalı ilə təltif olunmuşdur.

9 iyul 2007-ci ildə "Hippokrat" Tibb jurnalının təsis etdiyi "Şəfalı əllər" Fəxri diplomuna layiq görülmüşdür.

Müxtəlif illərdə müxtəlif ictimai birliklərin, "Təhsil mərkəzi"nin, YAP Yasamal rayon təşkilatının, müxtəlif qəzetlərin Fəxri diplom və Fəxri fərmanları ilə təltif olunmuşdur.

Haqqında[redaktə | əsas redaktə]

"Dönüş" filminin posteri (2018)

2014-cü ildə həkimlər Alı Qurbanov, İmran Qurbanov, tibb bacıları Radə Abbas və Doləfuruz Hüseynova haqqında APA TV tərəfindən "Hərbi həkimlər" adlı film çəkilmişdir.[4]

2018-ci ildə Orxan Fikrətoğlunun ssenarisi əsasında, Rüfət Əsədovun rejissorluğu ilə "Dönüş" filmi çəkilmişdir.[5]

Ailəsi[redaktə | əsas redaktə]

Ailəlidir. İki oğlu var.

Böyük oğlu Fərhad İstanbul Dövlət Universitetinin iqtisadiyyat fakültəsini bitirib, hazırda Mərmərə Universitetində magistr təhisli alır.

İkinci oğlu Etibar Azərbaycan Memarlıq və İnşaat Universitetini bitirib.

Həyat yoldaşı Qurbanova Sevinc İsrafil qızı həkimdir.

İstinadlar[redaktə | əsas redaktə]

  1. İbrahim Məsimoğlu. "Hərbi həkim fədakarlığı", "Hərbi and" qəzeti, №21(742), 1 iyun 2018-ci il
  2. "Oyan Azərbaycan: Qonaqlarımız" (azərb.). deskgram.org (2017). 2 fevral 2018 tarixində arxivləşdirilib. İstifadə tarixi: 2 fevral 2018.
  3. İbrahim Məsimoğlu. İlk briqadanın ibrətli döyüş dərsləri. — Bakı: Təhsil, 2014. — Səhifələrin sayı: 462. — 500 nüs.
  4. Rey Kərimoğlu. "Hərbi həkimlərimiz (Müharibə adamı verilişi)" (azərb.). APA TV (YouTube) (2014).
  5. "Qarabağ qazisindən bəhs edən filmin təqdimatı olacaq" (azərb.). Goyce.az (14 aprel 2018). 8 may 2018 tarixində arxivləşdirilib. İstifadə tarixi: 8 may 2018.

Həmçinin bax[redaktə | əsas redaktə]

Xarici keçidlər[redaktə | əsas redaktə]

Vikianbarda İmran Qurbanov ilə əlaqəli mediafayllar var.