İnsan Finn
| İnsan Finn | |
|---|---|
| Macəra zamanı personajı | |
 | |
| İlk görünmə | Adventure Time (2007)[1] |
| Son görünmə | Adventure Time: Fionna and Cake (2023) |
| Yaradan | Pendlton Vord |
| Məlumat | |
| Cinsi | kişi[d] |
Finn Mertens (və ya İnsan Finn) — Pendlton Vord tərəfindən yaradılmış "Macəra zamanı" cizgi serialının baş qəhrəmanlarından biri. O, həmçinin "Adventure Time: Distant Lands" və "Adventure Time: Fionna and Cake" spin-off seriallarında görünüb. Personaj səs aktyoru Ceremi Şeda tərəfindən səsləndirilib. Serialın pilot seriyasında onun adı Pen idi və Cereminin böyük qardaşı Zak Şada tərəfindən səsləndirilmişdi. Finnin yetkin olduğu bəzi epizodlarda onu Conatan Freyks səsləndirib.
Macəra zamanı başlamazdan əvvəl Finn meşədə iki insanabənzər it, Coşua və Marqaret tərəfindən tapılmış və övladlığa götürülmüşdü. Onun sadiq və əylənməyi sevən ən yaxşı dostu İt Ceyk adlı ögey qardaşı da var, hadisələrin cərəyan etdiyi uydurma dünya olan Ooo-da Ceyk macəralarında həmişə ona qoşulur. Finnin mənşəyinin sirri və onun Ooo-dakı sonuncu insan olub-olmaması onun hekayəsində mühüm rol oynayır. Serial irəlilədikcə məlum olur ki, Ooo-da hələ də başqa insanlar yaşayır və Finnin bioloji valideynləri Martin və Minerva adalarda yaşayan bir qrup sağ qalanlardır.
Xarakteri[redaktə | mənbəni redaktə et]
Finn uşaq xasiyyətli, macəraya qarşı doyumsuz sevgisi olan 12 yaşlı yeniyetmə oğlandır. O, daim həyəcanla doludur və həmişə yeni macəra axtarışındadır. Serial davam etdikcə böyüyür və final epizodlarında 17 yaşına çatır. Finn bitboksinq və qılınc döyüşdürmə istedadına malikdir. Birinci mövsümün "Ocean of Fear" epizodunda onun telassofobiyaya sahib olduğu üzə çıxır, nəhayət "Billy's Bucket List" adlı başqa bir epizodda o, bu fobiyaya qalib gəlir.[2] Beşinci mövsümün "Red Starved" epizodunda onun rəng koru olduğu məlum olur.[3]
Finn serialın başlanğıcında tez-tez düşünmədən hərəkət edən həvəsli bir macəraçı kimi qarşımıza çıxır, lakin serial davam etdikcə daha da ehtiyatlı və düşüncəli olur. O, daim sönməz həvəslə macəra dalınca qaçır. Körpə ikən meşədə köməksiz vəziyyətdə qalan Finn, yardıma ehtiyacı olan insanlara hər zaman kömək edəcəyinə söz verdi.[4] Finn və Ceykin bir çox sərgüzəştləri Ooo dünyasını kəşf etməkdən və dəhşətli bədheybətlərə döyüşməkdən ibarətdir. Onların həyatı bir cəngavərin həyatına bənzəyir, onlar tez-tez zindanlar axtarır, pis niyyətli varlıqlarla mübarizə aparır, şahzadələri xilas edir və nəhayət dünyanı müdafiə edirlər.[5]
İstinadlar[redaktə | mənbəni redaktə et]
- ↑ Orange, B. Alan. "SDCC 2011 Exclusive: Adventure Time Cast Interviews". Movie Web. October 14, 2013 tarixində arxivləşdirilib. İstifadə tarixi: August 20, 2011.
- ↑ Cubillas, Sean. "10 Best Episodes Of Adventure Time (According To IMDb)". CBR (ingilis). 2019-10-03. 2021-09-08 tarixində arxivləşdirilib. İstifadə tarixi: 2021-09-08.
- ↑ Sava, Oliver. "Adventure Time: "Red Starved"". The A.V. Club (ingilis). October 14, 2013. 2021-09-08 tarixində arxivləşdirilib. İstifadə tarixi: 2021-09-08.
- ↑ Karavintis, John V. The Finn-losophy of Adventure Time // Michaud, Nicolas (redaktor ). Adventure time and philosophy: the handbook for heroes. Open Court Publishing Company. 2015. 9–10. ISBN 978-0-8126-9858-9. OCLC 953849201.
- ↑ Fleenor, S. E. "The awesome (and unexpected) queering of Adventure Time". SYFY WIRE (ingilis). 2019-06-17. 2020-04-29 tarixində arxivləşdirilib. İstifadə tarixi: 2021-09-11.