İntiqam Hacılı

Vikipediya, azad ensiklopediya
Jump to navigation Jump to search
İntiqam Hacılı
İntiqam Cəfər oğlu Hacılı
Intigam hajili.jpg
Doğum tarixi 24 fevral 1978 (1978-02-24) (41 yaş)
Doğum yeri Biləsuvar rayonu, Azərbaycan
Vətəndaşlığı Azərbaycan Azərbaycan
Peşələri Rejissor, Prodüser, Ssenarist
Fəaliyyət illəri 2002-davam edir
IMDb ID 9890696

İntiqam Hacılı, (d.24 fevral 1978, Biləsuvar) — Azərbaycanlı rejissor, ssenarist, prodüser. "MemuarFilms" prodakşnın həmdirektorudur. Sinema Məktəbinin rəhbəridir. Azərbaycanda yeni axın sayılan "Azad Kino" (Independent Cinema) nümayəndələrindən biridir.

Həyatı[redaktə | əsas redaktə]

İntiqam Hacılı 1978-ci il fevral ayının 24-də Biləsuvar rayonu Xırmandalı kəndinin İran sərhədi yaxınlığında yerləşən kolxoz düşərgəsində anadan olub (Ailəsi 1975-ci ildə Lerik rayonun Tikəband kəndindən bura köçüb). İ.Hacılı ailənin 7-ci (5 bacı, 3 qardaş) övladıdır. Hazırda Biləsuvar royunun Əsgərabad kəndində və Bakı şəhərində yaşayır. Uzunömürlü Məcid Ağayevin nəvəsidir.

Karyerası[redaktə | əsas redaktə]

ADMİU-nun "Sənətşünaslıq" fakültəsinin (ixtisas: ssenari - 1996-2000) məzunudur. Professor Aydın Dadaşovun kursunu bitirib.

2000-2001-ci illərdə Bakı (3 ay) və Gəncə (9 ay) şəhərlərində hərbi xidmətdə olub. Kiçik çavuşdur.

İntiqam Hacılı yazarlıqla da məşğuldur. 2002-2003-cü illərdə o, "Nəfəs" ədəbi qrupuna qoşulub. 2008-ci ildə "Maneken sevgilim" adlı şeirlər kitabı Azad Yazarlar Ocağının layihəsi çərçivəsində Gənclər və İdman Nazirliyinin dəstəyi ilə çap olunub. 2012-ci ildə Azadlıq Radiosunun keçirdiyi "Ədəbi Azadlıq" müsabiqəsində "Maneken sevgilim" və "Qədər" şeirləri ilə ilk 10-luğa düşüb. Hazırda hekayələr yazır.

Mədəniyyət Nazirliyinin "Kino+" qəzetində (2004-2007) çalışıb, qəzetin müxbiri və direktoru olub. Kino və televiziya sahəsində tənqidi məqalələr yazıb. Paralel olaraq digər mətbuat orqanlarında da məqalələri çap olunub. 2008-ci ildə "Bizim yol" qəzetində, 2009-2010-cu illərdə Mədəniyyət Nazirliyinin "Mədəniyyət" qəzetində işləyib.

2004-cü ildə "Kino+" qəzetində çalışarkən "Start" Tələbələrin Beynəlxalq Film Festivalını (sonradan "Start" Gənclərin Beynəlxalq Film Festivalı) hüquqşünas Xalid Bağırovun dəstəyi ilə kinoplyusçularla birgə təşkil edib. "Start"ın növbəti illərində festivalın təşkilat komitəsində olub. 2012-2013-cü illərdə festivalın işindən narazı olduğu üçün oranı tərk edib.

2010-cu ildən rejissorluq fəaliyyətinə başlayıb. 2011-ci ildə Mədəniyyət Nazirliyinin "Salnamə" studiyasında 20 yanvar hadisələrindən bəhs edən "Cənubda şimal küləyi" araşdırma sənədli filmini çəkib. Film 1990-ci ildə "20 yanvar" hadisələri zamanı Biləsuvar və onun İranla sərhədində baş verənləri araşdırır.

12 dekabr 2012-ci ildə "Sinema Məktəbi"ni yaradıb (ilk əvvəllər "Kino Atelyesi", "Sinema Atelyesi" adlanıb). Ölkədə ilk dəfə aktyorluq, ssenaristlik və rejissorluq kursları özəl kurs formasında burada təşkil olunub. Hazırda tədris mərkəzində müxtəlif kino kursları keçirilir.

İstinadlar[redaktə | əsas redaktə]

2015-cü ildə "Gələcəyin yuxusu" pyesini yazıb və quruluş verib.

2016-ci ildə hazırlanan "Kontrabasçı" (Almaniya-Azərbaycan Mədəniyyət Evi) və "Yasaq cəh-cəhlər" (İsveçrə Əməkdaşlıq Təşkilatının Qafqaz Ofisi) tamaşalarının prodüseri olub.

2017-ci ildə "Göllərin arasında" ("Между озерами" (Among The Lakes) sənədli film layihəsi Riqada keçirilən "Artdocfest" Sənədli Filmlər Festivalının pitçinq bölməsində iştirak edib.

2017-ci ildə "Atam, anam, bir də mən" qısametrajlı sənədli filmini çəkib.

Prodüseri olduğu "Qaranlıqdan reportaj" filmi dünya premyerasını 11-16 iyul 2018-ci ildə 29-cu Marsel Beynəlxalq Film Festivalında edib. Bu film İ.Hacılının prodüseri olduği ilk tammetrajlı bədii filmdir. Bu həm də ilk Azərbaycan filmidir ki, Marsel Beynəlxalq Film Festivalında iştirak edib. [1] [2] [3]

Filmoqrafiya[redaktə | əsas redaktə]

Rejissoru olduğu filmlər[redaktə | əsas redaktə]

  1. Cənubda şimal küləyi (qısametrajlı sənədli film, 2011)
  2. Atam, anam, bir də mən (qısametrajlı sənədli film, (2018-ci il)
  3. Azadlıqdan çıxmış adam (uzun metrajlı sənədli film, (2019-2020-ci illər)

Prodüseri olduğu filmlər[redaktə | əsas redaktə]

  1. Qaranlıqdan reportaj (tammetrajlı bədii film, 2018)
  2. Axtarma məni (tammetrajlı bədii film)

İştirak etdiyi filmlər[redaktə | əsas redaktə]

  1. Qaranlıqdan reportaj (tammetrajlı bədii film, 2018) Marsel Beynəlxalq Film Festivalının əsas yarışma bölməsinin iştirakçısı.
  2. Rəna xanımın çəkilişi (qısametrajlı bədii film, 2019) Busan Beynəlxalq Film Festivalının əsas yarışma bölməsinin iştirakçısı.

Rejissoru olduğu tamaşalar[redaktə | əsas redaktə]

  1. Gələcəyin yuxusu (tamaşa) - Eyni zamanda "Gələcəyin yuxusu" pyesinin müəllifi, 2015.

Prodüseri olduğu tamaşalar[redaktə | əsas redaktə]

  1. Kontrabasçı (tamaşa, 2016)
  2. Yasaq cəh-cəhlər (tamaşa, 2016) [4]

İstinadlar[redaktə | əsas redaktə]

  1.  (azərb.)"Filmimiz ilk dəfə bu beynəlxalq festivalda". interpress.az. 7 iyun 2018. İstifadə tarixi: 12 iyun 2018. Check date values in: |accessdate=, |date= (kömək)
  2.  (fr.)"Reporting from Darkness (Qaranliqdan reportaj)". fidmarseille.org. İstifadə tarixi: 12 iyun 2018. line feed character in |title= at position 24 (kömək); Check date values in: |accessdate= (kömək)
  3.  (azərb.)"Filmimiz ilk dəfə bu beynəlxalq festivalda". kulis.az. 7 iyun 2018. İstifadə tarixi: 12 iyun 2018. Check date values in: |accessdate=, |date= (kömək)
  4.  (azərb.)""Yasaq cəh-cəhlər" tamaşasının premyerası olacaq". kulis.lent.az. 28 noyabr 2016. İstifadə tarixi: 12 iyun 2018. Check date values in: |accessdate=, |date= (kömək)