İntiqam Hacılı

Vikipediya, azad ensiklopediya
Jump to navigation Jump to search
İntiqam Hacılı
İntiqam Cəfər oğlu Hacılı
Intigam hajili.jpg
Doğum tarixi (45 yaş)
Doğum yeri Biləsuvar rayonu, Azərbaycan
Vətəndaşlığı Azərbaycan Azərbaycan
Fəaliyyəti Rejissor, Prodüser, Ssenarist
Fəaliyyət illəri 2002-davam edir
IMDb ID 9890696

İntiqam Hacılı, (d.24 fevral 1978, Biləsuvar) — Azərbaycanlı kino və teatr rejissoru, prodüseridir. "MemuarFilms" prodakşnın həmdirektorudur. Azərbaycanda yeni axın sayılan "Azad Kino" (Independent Cinema) nümayəndələrindən biridir.

Lənkəran Dövlət Dram Teatrının direktor vəzifəsinin icraçısı və teatrın rejissorudur.

Həyatı[redaktə | mənbəni redaktə et]

Uzunömürlü Məcid Ağayevin nəvəsi olan İntiqam Hacılının ata-anası Lerik rayonun Tikəband kəndindən ilk əvvəl Lənkəran şəhərinə, bir müddət sonra isə Salyan rayonuna, oradan isə 1975-ci ildə Biləsuvar rayonuna gəliblər. İntiqam Hacılı 1978-ci il fevral ayının 24-də Biləsuvar rayonun İran sərhədi yaxınlığında yerləşən kolxoz düşərgəsində anadan olub. Rus, ingilis və talış dillərini bilir. Tələbə olduğu 1996-cı ildən 2022-ci ilin may ayına qədər Bakıda yaşayıb və fəaliyyət göstərib.

Kinoprodüser kimi 2018-ci ildə Marsel Beynəlxalq Film Festivalının, 2021-ci ildə isə "Moskovskaya premyera" Kino Festivalının iştirakçısı olub.

2022-ci il 2 avqustda - Milli kino günündə Azərbaycan Kinematoqrafçılar İttifaqı tərəfindən "Müstəqil kinonun inkişafındakı xidmətlərinə görə" nominasiyasında mükafatlandırılıb.

Karyerası[redaktə | mənbəni redaktə et]

ADMİU-nun "Sənətşünaslıq" fakültəsinin (ixtisasca: ssenari - 1996-2000) məzunudur. Professor Aydın Dadaşovun kursunu bitirib. 2021-ci ildə Mədəniyyət Nazirliyinin Bakıda təşkil etdiyi QİTİS-in (Moskva Teatr Sənətləri İnstitutu) teatr prodüserliyi laboratoriyasında iştirakçı olaraq QİTİS-in və Mədəniyyət Nazirliyinin sertifikatını alıb.

İntiqam Hacılı yazarlıqla da məşğul olub. 2002-2003-cü illərdə o, "Nəfəs" ədəbi qrupuna qoşulub. 2008-ci ildə "Maneken sevgilim" adlı şeirlər kitabı Azad Yazarlar Ocağının layihəsi çərçivəsində Gənclər və İdman Nazirliyinin dəstəyi ilə çap olunub. 2012-ci ildə Azadlıq Radiosunun keçirdiyi "Ədəbi Azadlıq" müsabiqəsində "Maneken sevgilim" və "Qədər" şeirləri ilə ilk 10-luğa düşüb.

Mədəniyyət Nazirliyinin "Kino+" qəzetində (2004-2007) çalışıb, qəzetin müxbiri və direktoru olub. Kino və televiziya sahəsində tənqidi yazılarla çıxış edib. Paralel olaraq digər mətbuat orqanlarında da məqalələri çap olunub. 2009-2010-cu illərdə Mədəniyyət Nazirliyinin "Mədəniyyət" qəzetində işləyib.

2004-cü ildə "Kino+" qəzetində çalışarkən "Start" Tələbələrin Beynəlxalq Film Festivalını hüquqşünas Xalid Bağırovun dəstəyi ilə kinoplyusçularla birgə təşkil edib. "Start"ın növbəti illərində festivalın təşkilat komitəsində olub. 2012-2013-cü illərdə festivalın işindən narazı olduğu üçün oranı tərk edib.

2010-cu ildən rejissorluq və kino fəaliyyətinə başlayıb. 2011-ci ildə Mədəniyyət Nazirliyinin "Salnamə" studiyasında 20 yanvar hadisələrindən bəhs edən "Cənubda şimal küləyi" araşdırma sənədli filmini çəkib. Film 1990-ci ildə "20 yanvar" hadisələri zamanı Biləsuvar və onun İranla sərhədində baş verənləri araşdırır.

12 dekabr 2012-ci ildə "Sinema Məktəbi"ni yaradıb (ilk əvvəllər "Kino Atelyesi", "Sinema Atelyesi" adlanıb). Ölkədə ilk dəfə aktyorluq, ssenaristlik və rejissorluq kursları özəl kurs formasında burada təşkil olunub. Tədris mərkəzi 2020-ci ilə qədər fəaliyyət göstərib. 2022-c- ildən Lənkəran şəhərində Kino və Teatr Məktəbini təsis edib.

İstinadlar[redaktə | mənbəni redaktə et]

2013-2014-cü illərdə Prezident Fondundan ayrılan maliyyə ilə ATV telekanalında yayımlanan serialın rejissoru, prodüseri və ssenaristi olub. Serial Sevinc Elsevərin "Şəhər" romanının motivləri əsasında 25 hissədən ibarət olub.

2015-cü ildə "Gələcəyin yuxusu" adlı pyesini yazıb və quruluş verib.

2016-ci ildə hazırlanan "Kontrabasçı" (Almaniya-Azərbaycan Mədəniyyət Evi) və "Yasaq cəh-cəhlər" (İsveçrə Əməkdaşlıq Təşkilatının Qafqaz Ofisi) tamaşalarının prodüseri olub.

2017-ci ildə "Göllərin arasında" ("Между озерами" (Among The Lakes) sənədli film layihəsi Riqada keçirilən "Artdocfest" Sənədli Filmlər Festivalının pitçinq bölməsində iştirak edib.

2017-ci ildə "Atam, anam, bir də mən" qısametrajlı sənədli filmini çəkib.

Prodüseri olduğu "Qaranlıqdan reportaj" filmi dünya premyerasını 11-16 iyul 2018-ci ildə 29-cu Marsel Beynəlxalq Film Festivalında edib. Bu film İ.Hacılının prodüseri olduği ilk tammetrajlı bədii filmdir. Bu həm də ilk Azərbaycan filmidir ki, Marsel Beynəlxalq Film Festivalında iştirak edib. [1] [2] [3]

2020-ci ildə çəkilən "Biləsuvar" tammetrajlı bədii filmin prodüserlərindən biridir. Film həmin il Busan Beynəlxalq Film Festivalının (Cənubi Koreya) və Nantda keçirilən 3 Qitənin Festivalının (Fransa) əsas bölmələrində iştirak edib. "Biləsuvar" filmi 2021-ci ilin aprelində Vizbadendə keçirilən "goEast" festivalının (Almaniya) proqramına düşüb, 2021-ci ilin sentyabr-oktyabrında isə Rusiyanın Anapa şəhərində keçirilən 30-cu Kinoşok festivalının "ən yaxşı ssenari" mükafatını, həmin ilin 17-21 dekabrında Moskvada keçirilən "Moskovskaya premyera" festivalının "ən yaxşı rejissor" mükafatını qazanıb.

"Biləsuvar" tammetrajlı bədii filminin Azərbaycanda təqdimatı isə 2021-ci ilin oktyabrında Bakı şəhərində Azərbaycan Kinematoqrafçılar İttifaqının Kino Evində baş tutub.

İntiqam Hacılı 1 may 2022-ci ildən Lənkəran Dövlət Dram Teatrına Mədəniyyət Nazirliyi tərəfindən direktor müavini təyin edilib.

17 yanvar 2023-cü ildən isə Lənkəran Dövlət Dram Teatrının direktor vəzifəsini icra edir.

Filmoqrafiya[redaktə | mənbəni redaktə et]

Rejissoru olduğu filmlər[redaktə | mənbəni redaktə et]

  1. "Atam, anam, bir də mən" (qısametrajlı sənədli film, (2016-ci il)
  2. "Göllərin arasında" 2017)]]
  3. "Karvan" (qısametrajlı bədii film, (2017-ci il)

Prodüseri olduğu filmlər[redaktə | mənbəni redaktə et]

  1. "Qaranlıqdan reportaj" (tammetrajlı bədii film, 2018)
  2. "Biləsuvar" (tammetrajlı bədii film, 2020)

Çəkildiyi filmlər[redaktə | mənbəni redaktə et]

  1. "Qaranlıqdan reportaj" (tammetrajlı bədii film, 2018) Marsel Beynəlxalq Film Festivalının əsas yarışma bölməsinin iştirakçısı.
  2. "Rəna xanımın çəkilişi" (qısametrajlı bədii film, 2019) Busan Beynəlxalq Film Festivalının və Tallin Beynəlxalq Film Festivalının əsas yarışma bölməsinin iştirakçısı.

Müəllifi olduğu tamaşalar

  1. "Gələcəyin yuxusu" (tamaşa, 2015)
  2. "Qar qızın axtarışı" (tamaşa, 2022)
  3. "Nuru babanın sərgüzəştləri" (tamaşa, 2023)

Rejissoru olduğu tamaşalar[redaktə | mənbəni redaktə et]

  1. "Gələcəyin yuxusu" (tamaşa, 2015)
  2. "Qar qızın axtarışı" (tamaşa, 2022)
  3. "Nuru babanın sərgüzəştləri" (tamaşa, 2023)

Prodüseri olduğu tamaşalar[redaktə | mənbəni redaktə et]

  1. "Gələcəyin yuxusu" (tamaşa, 2015)
  2. "Kontrabasçı" (tamaşa, 2016)
  3. "Yasaq cəh-cəhlər" (tamaşa, 2016) [4]

İstinadlar[redaktə | mənbəni redaktə et]

  1. ↑  (az.)"Filmimiz ilk dəfə bu beynəlxalq festivalda". interpress.az. 7 iyun 2018. İstifadə tarixi: 12 iyun 2018.[ölü keçid]
  2. ↑  (fr.)"Reporting from Darkness (Qaranliqdan reportaj)". fidmarseille.org. 2022-03-27 tarixində arxivləşdirilib. İstifadə tarixi: 12 iyun 2018.
  3. ↑  (az.)"Filmimiz ilk dəfə bu beynəlxalq festivalda". kulis.az. 7 iyun 2018. 2021-05-10 tarixində arxivləşdirilib. İstifadə tarixi: 12 iyun 2018.
  4. ↑  (az.)""Yasaq cəh-cəhlər" tamaşasının premyerası olacaq". kulis.lent.az. 28 noyabr 2016. 2016-11-28 tarixində orijinalından arxivləşdirilib. İstifadə tarixi: 12 iyun 2018.

https://aki.az/bil-suvar-filminin-az-rbaycan-premyeras-kino-evind/

Mənbə — "https://az.wikipedia.org/w/index.php?title=İntiqam_Hacılı&oldid=6870080"