İqrar Salamov

Vikipediya, açıq ensiklopediya
Jump to navigation Jump to search
İqrar Salamov
İqrar Salamov.JPG
Doğum tarixi 5 noyabr 1970 (1970-11-05) (48 yaş)
Doğum yeri Şəki, Azərbaycan SSR, SSRİ
Peşəsi Aktyor

İqrar Zakir oğlu Salamov (d. 5 noyabr 1970) — Azərbaycan aktyoru, Azərbaycanın əməkdar artisti (2012).

Həyatı[redaktə | əsas redaktə]

İqrar Zakir oğlu Salamov 1993-cü ildə Azərbaycan Dövlət Mədəniyyət və İncəsənət Universitetinin musiqili teatr aktyorluğu fakültəsini bitirib.

1993-1995-ci illərdə Şəki Dövlət Dram Teatrında aktyor işləmişdir.

1996-cı ildən Şuşa Dövlət Musiqili Dram Teatrının aktyorudur. 9 may 2012-ci il tarixdə Əməkdar artist fəxri adına layiq görülmüşdür.

Əsas rolları[redaktə | əsas redaktə]

Dursunəli ("Ayının min bir oyunu", Sultanməcid Qənizadə), həkim ("Marqaritka", Arman Salakru), Bəşir ("Gözəlləri necə qaçırırlar", Bilal Appayev), Vəzir ("Xəlifə Leylək", Vilhelm Qauf), Məstəli şah ("Hekayəti-Müsyö Jordan həkimi-nəbatat və dərviş Məstəli şah caduküni-məşhur", Mirzə Fətəli Axundov). Balaxan ("Aydın", Cəfər Cabbarlı), Dəli və Müstəntiq ("Ağıllı adam", Firuz Mustafa), II Aktyor ("Əyri oturaq, düz danışaq", Üzeyir Hacıbəyov), Qara ("Sən Qara deyilsən", Əziz Nesin), İsgəndər Abışov ("Şuşa dağlarını duman bürüyüb", Elçin), Şandor Siv ("Sehirli kreslo", Fridyeş Karinti), Dəli Cəbiş ("Pənah evi", Ələmdar Quluzadə), Şadi bəy ("Bayramın birinci günü", Nazim Hikmət), Firudin bəy ("Millət dostları", Əbdürrəhim bəy Haqverdiyev).

"Nəğmədir, gülüşdür hər dərdə məlhəm" adlı konsert-tamaşada O, həm aktyor, həm də müğənni kimi çıxış edir.

1999-cu ildə keçirilən "Milli klassika" festivalında Mirzə Fətəli Axundovun "Hekayəti-Müsyö Jordan həkimi-nəbatat və dərviş Məstəli şah caduküni-məşhur" tamaşasındakı dərviş Məstəli şah, 2000-ci ildə keçirilən Festivallar festivalında Üzeyir Hacıbəyovun felyetonlarının motivləri əsasında hazırlanmış "Əyri oturaq, düz danışaq" məzhəkəsində İkinci aktyor rolları ona böyük şöhrət gətirmişdir.

"Əyri oturaq, düz danışaq" tamaşasının yaradıcı heyəti ilə birlikdə 2002-ci ildə "Qızıl Dərviş" mükafatına layiq görülmüşdür.

Filmoqrafiya[redaktə | əsas redaktə]

  1. Yol yoldaşları (film, 2003)
  2. QAZ (film, 2005)
  3. Yoxlama (film, 2006)
  4. Hərənin öz payı+tayı (film, 2006)-Tamada
  5. Balqabaq (film, 2007)
  6. Kəndim+nizə qayıdın!? (film, 2007)
  7. Qüdsi (film, 2007)
  8. Müəmmalı yubiley (film, 2007)
  9. Azarkeş (film, 2008)
  10. 100000 AZN (film, 2009)(tammetrajlı bədii film)(İTV)
  11. Teatral həyat (film, 2009)
  12. Qardaşımdan yaxşısı yox idi (film, 2010)
  13. 3 bacı (film, 2012-2014) (bədii serial) (rol: molla)
  14. Sirr (serial, 2012)
  15. Sübhün səfiri (film, 2012)
  16. Oğlan evi 2 (film, 2016)
  17. Xalisin arzuları (film, 2018)

Xarici keçidlər[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı