İsamu Ço
| İsamu Ço | |
|---|---|
| 長勇 | |
 | |
| Şəxsi məlumatlar | |
| Doğum tarixi | |
| Doğum yeri | Fukuoka prefekturası |
| Vəfat tarixi | |
| Vəfat yeri | Okinava adası |
| Vəfat səbəbi | bıçaqlama[d] |
| Vətəndaşlığı | Yaponiya İmperiyası |
| Hərbi fəaliyyəti | |
| Qoşun növü | quru qoşunları |
| Xidmət illəri | 1916-cı ildən |
| Rütbəsi | general-leytenant |
| Döyüşlər |
Yapon-Çin müharibəsi İkinci Dünya müharibəsi Nankin döyüşü Okinava döyüşü |
 Vikianbarda əlaqəli mediafayllar | |
İsamu Ço (yap. 長勇; 19 yanvar 1895[1], Fukuoka – 23 iyun 1945, Okinava prefekturası) — yapon hərbi xadimi və nasionalisti. Okinava döyüşünün ardından amerikalılara əsir düşməmək üçün intihar etmişdir.
Bioqrafiyası
[redaktə | vikimətni redaktə et]19 yanvar 1895-ci ildə Fukuoka prefekturasında anadan olmuşdur. 1916-cı ildə İmperiya hərbi akademiyasını, 1928-ci ildə isə Ali hərbi akademiyanı bitirir.
1930-cu ildə kapitan Ço və Kinqoro Hasimoto birlikdə ultramillətçi Sakurakay təşkilatını yaradırlar[2]. Təşkilatın hədəfi imperatorun mütləq hakimiyyətini təmin etməkdən ibarət olmuşdur. 1931-ci ilin mart-oktyabr aylarında uğursuz hərbi qiyamlarda iştirak etmişdir[3]. Həbs olunsa da, həbsxanaya atılmamış və Mancuriyaya göndərilmişdir.
1937-ci ildə yaponların Çində yerləşən ekspedisiya korpus qərargahında məsul vəzifədə çalışır. Nankin döyüşündə şahzadə Asaka Yasuxikonun adyutantı olmuşdur. Bir çox tarixçilərin fikrincə Nankin döyüşündə götürülən çinli hərbi əsirlərin öldürülməsi əmrini o vermişdir. Bunu isbat edən sənədlər tapılmamışdır[4].
1938-ci ildə Ço Çində yerləşən 74-cü piyada alayına rəhbərlik etmişdir. 1939-cu ildə 26-cı diviziyaya və Sovet sərhədində imperatorun əmrlərini həyata keçirmək vəzifəsini yerinə yetirirdi[3]. 1940-cı ildən isə Tayvana göndərilir. 1940–1941-ci illərdə Hind-Çin yarımadasında qərargah rəisi işləmişdir. 1941-ci ildə isə Tokioda Hərbi nazirlikdə xidmət etmişdir. 1941–1942-ci illərdə yenidən Hind-Çinə göndərilir.
1942–1944-cü illərdə piyada briqadasının 10-cu diviziyasına rəhbərlik etmişdir. 1945-ci ildə general-leytenant rütbəsi alır. Bundan sonra, Kvantun ordusu qərargahına göndərilir.
1945-ci ildə Ço 32-ci ordunun qərargah rəisi təyin edilir. Okinava döyüşü zamanı hücum taktikasının tərəfdarı olmuşdur. O, general-leytenant Misuru Usidzimanı 4 may tarixində hücuma keçməyə inandıra bilmişdir. Hücum uğursuzluqla nəticələnir. 23 iyun 1945-ci ildə müqavimətin mənasızlığını anlayaraq düşmənin əlinə keçməmək üçün seppuku etmişdir.
Xarakteri
[redaktə | vikimətni redaktə et]Ço hər zaman qadın və spirtli içki düşkünü olması ilə seçilirdi[3]. O, bununla belə, buddizmə sadiqliyi ilə tanınırdı.
İstinadlar
[redaktə | vikimətni redaktə et]- ↑ Isamu Cho // TracesOfWar.
- ↑ Spencer C. Tucker. Who's Who in Twentieth-Century Warfare. — Лондон: Routledge, 2001. — С. 132. — 371 с. — ISBN 0415234972.
- 1 2 3 George Feifer. Japanese Leadership // The Battle of Okinawa: The Blood and the Bomb. — Globe Pequot, 2001. — С. 75–77. — 520 с. — ISBN 1585742155.
- ↑ Joshua A. Fogel. The Challenges of the Nanjing Massacre // The Nanjing Massacre in History and Historiography. — University of California Press, 2000. — С. 141. — 248 с. — ISBN 0520220072.
Mənbə
[redaktə | vikimətni redaktə et]- Cho Isamu (ing.) The Pacific War Online Encyclopedia saytında