İsmayıl Hüseynov

Vikipediya, azad ensiklopediya
Jump to navigation Jump to search
İsmayıl Hüseynov
İsmayıl Abbas oğlu Hüseynov
İsmayıl Hüseynov.jpg
Doğum tarixi 15 dekabr 1910(1910-12-15)
Vəfat tarixi 8 noyabr 1969 (58 yaşında)
Milliyyəti Azərbaycanlı
Atası Abbas

İsmayıl Abbas oğlu Hüseynov (15 dekabr 19108 noyabr 1969) — Akademik, tarix elmləri doktoru adını alan ilk azərbaycanlı, 1941–1944 və 1958–1960-cı illərdə Azərbaycan EA Tarix İnstitutunun direktoru, 1960–1966-cı illərdə isə AEA İctimai Elmlər Bölməsinin akademik-katibi, 1949-cu ildə AEA-nın müxbir üzvü, 1958-ci ildə isə həqiqi üzvü, Azərbaycan SSR Ali Sovetinin «Fəxri fərmanı» ilə təltif olunmuş və «Əməkdar elm xadimi» fəxri adına layiq görülmüş görkəmli tarixçi. [1]

Həyatı[redaktə | əsas redaktə]

Akademik İsmayıl Abbas oğlu Hüseynov 1910-cu il dekabrın 15-də anadan olmuşdur. 1928-ci ildə Azərbaycan Dövlət Universitetinin (indiki Bakı Dövlət Universiteti) Şərq fakültəsinin hüquq şöbəsinə daxil olmuş və 1933-cü ildə təhsilini başa vurmuşdur. Həmin ildə Moskva şəhərində SSRİ MİK-si yanında Millətlər İnstitutunun tarix ixtisası üzrə aspiranturasına daxil olmuşdur. 1941-ci ildə namizədlik, 1947-ci ildə isə M.Lomonosov adına Moskva Dövlət Universitetində doktorluq dissertasiyaları müdafiə etmişdir. O, tarix elmləri doktoru adını alan ilk azərbaycanlı olmuşdur. İ.A.Hüseynov iki dəfə (1941–1944; 1958–1960) AEA Tarix İnstitutunun direktoru olmuş, 1960–1966-cı illərdə isə AEA İctimai Elmlər Bölməsinin akademik-katibi vəzifəsində çalışmışdır. O, 1949-cu ildə AEA-nın müxbir üzvü, 1958-ci ildə isə həqiqi üzvü seçilmişdir.[1]

İ.A.Hüseynov yüzə yaxın elmi əsərin müəllifidir. Onun 1941-1945-ci illər müharibəsi dövründə çap etdirdiyi «Görkəmli dövlət xadimi Şirvanşah İbrahim» və «Şah İsmayıl Səfəvi» əsərləri həmin dövlət xadimlərinə Azərbaycan tarixşünaslığında obyektiv qiymət verilməsi baxımından mühüm hadisə idi. Akademik Ə.S.Sumbatzadənin qeyd etdiyi kimi, Səfəvi dövlətinin erkən dövründə Azərbaycan dövləti olması haqqında tarixşünaslıqda ilk dəfə İ.A.Hüseynov fikir söyləmişdir. İ.A.Hüseynov 3 cildlik «Azərbaycan tarixi»nin nəşrə hazırlanması işinə rəhbərlik edənlərdən, onun müəlliflərindən və redaktorlarından biri olmuşdur. O, 40-dan artıq namizədlik və doktorluq dissertasiyalarının elmi rəhbəri və məsləhətçisi olmuşdur.

İ.A.Hüseynov 1944–1948-ci illərdə pedaqoji fəaliyyətlə məşğul olmuş və Azərbaycan Dövlət Universitetinin SSRİ tarixi kafedrasına rəhbərlik etmişdir.

İ.A.Hüseynov 1960-cı ildə İsveçdə, 1964-cü ildə Hindistanda, 1965-ci ildə isə Avstriyada tarixçilərin və şərqşünasların beynəlxalq konqreslərində məruzələrlə çıxış etmiş, Azərbaycan tarix elmini layiqincə təmsil etmişdir.

Akademik İ.A.Hüseynov Azərbaycan SSR Ali Sovetinin «Fəxri fərmanı» ilə təltif olunmuş və «Əməkdar elm xadimi» fəxri adına layiq görülmüşdür.

Akademik 8 Noyabr, 1969-cu ildə vəfat etmişdir.[1]

İstinadlar[redaktə | əsas redaktə]

  1. 1 2 3 İsmayıl Abbas oğlu Hüseynov