İsmayıl bəy Daruğa

Vikipediya, azad ensiklopediya
Jump to navigation Jump to search
İSMAYIL BƏY DARUĞA
Doğum tarixi 1840
Doğum yeri Şuşa şəhəri
Vəfat yeri Şuşa şəhəri
Fəaliyyəti şair

İsmayıl bəy Mirzə Allahqulu bəy oğlu Axundov-şair, Əhməd Ağdamskinin qaynatası

Həyatı[redaktə | əsas redaktə]

İsmayıl bəy Mirzə Allahqulu bəy oğlu 1840-cı ildə Şuşa şəhərində anadan olmuşdu. İbtidai təhsilini atasından almışdı. Sonra mədrəsə də təhsilini davam etdirmişdi. Şərq dillərini bilirdi. Qəza idarəsində işləmiş, bir müddət şəhər bazarının darğası olmuşdu.

İsmayıl bəy erməni silahlılarına qarşı vuruşmuş, şəhər camaatını müdafiə etmişdi. Tarixçi Mir Möhsün Nəvvabyazır: "Bu qovğa qalxarkən müsəlman bazarında olan erməni sövdəgər və sənətkarları qorxuya düşüb, dükanları bağladılar. Onların bəzisi dükanların içərisində gizləndilər, bəziləri isə müsəlman evlərinə pənah gətirdilər. Müsəlmanlar onlara pənah gətirən erməniləri hörmətlə qarşılayaraq evlərində gizlədib mühafizə etdilər. Elə ki, gecə oldu, bazar darğası (polisi) İsmayıl bəy müsəlman bazarındakı dükanlarda gizlənmiş erməniləri ordan çıxarıb, dükanları bağladı, onları isə evlərinə aparıb orda saxladı".

İsmayıl bəy Hüsniyyə xanım Mirzə Məmməd qızı Mirzəyeva ilə ailə qurmuşdu. Rəhilə xanım adlı qızı varı.

İsmayıl bəy şair idi. Daruğa təxəllüsü ilə könüloxşayan şeirlər yazırdı.Mir Möhsün Nəvvab "Təzkireyi-Nəvvab" adlı əsərində ondan bəhs etmişdir.

Yaradıcılığı[redaktə | əsas redaktə]

Kuyi daşına vurub başımı əlvan etdim,

Canımı şövq ilə cananıma qurban etdim.

Zülfünü bad-i səba bunca pərişan etmiş,

Ah ilə cəmiyyəti xəlgi pərişan etdim.

Apanb könlümü bilməm hara pünhan etdi,

Tapmadım şanəsifət zülfünü hər yan etdim.

Bulmadım dərdimə dərman ətıbbada dəxi,

Yoğurub dərdü qəmin dərdimə dərman etdim.

Yetmədi dərdimə ol dadrəsim kuyində,

Bunca Daruğasifət naləvü əfgan etdim.

Mənbə[redaktə | əsas redaktə]

  • Mir Möhsün Nəvvab. 1905-1906-cı illərdə erməni-müsəlman davası. Tərtib edənləri, əski əlifbadan çevirən və işləyənləri filologiya elmləri namizədi Kamandar Şərifli və Arif Ramazanzadədir. Bakı, 1993; yenə onun Təzkireyi Nəvvab. Çapa hazırlayanı və ön sözün müəllifi: filologiya elmləri namizədi Əkrəm Bağırov; Türkcə mətnlərin transliterasiyası: filologiya elmləri namizədi Nəsrəddin Qarayev; Farsca mətn və şeirlərin filoloji tərcüməsi: filologiya elmləri namizədləri Əkrəm Bağırov, Nizami Məhərrəmov, Kamil Allahyarov, Fərrux Fərmanov. Bakı,1998
  • Poetik Məclislər. Toplayanı və tərtib edəni: Nəsrəddin Qarayev. Bakı,1987
  • Ənvər Çingizoğlu, Axundovlar, "Soy" dərgisi, 10 (18) 2008.

Həmçinin bax[redaktə | əsas redaktə]