Məzmuna keç

İsveç Kral Elmlər Akademiyası

Vikipediya, azad ensiklopediya
İsveç Kral Elmlər Akademiyası
İKEA
Kungliga Vetenskapsakademien
Ümumi məlumatlar
Ölkə
Yaradılıb 2 iyun 1739
Sayt kva.se
Vikianbarın loqosu Vikianbarda əlaqəli mediafayllar

İsveç Kral Elmlər Akademiyası (isv. Kungliga Vetenskapsakademien) — 1739-cu ildə İsveç Kralı I Fridrix tərəfindən əsası qoyulmuş elm müəssisəsi. İsveç kral Elmlər Akademiyası xüsusilə təbiət elmləri və riyaziyyat sahəsində ixtisaslaşmış müstəqil bir qurumdur. Akademiya eyni zamanda fizika və kimya sahələrindəki Nobel mükafatlarının laureatlarını müəyyən edir.

Akademiyanın məqsədi:

  • Tədqiqatçıların fənn sərhədlərini aşaraq görüşəcəyi bir forum olmaq,
  • Tədqiqat üçün unikal bir mühit təqdim etmək,
  • Gənc tədqiqatçılara dəstək vermək,
  • Görkəmli tədqiqat işlərini mükafatlandırmaq,
  • Alimlər arasında beynəlxalq əlaqəni təmin etmək,
  • Cəmiyyətdə elm üçün təşviqat aparmaq və tədqiqat siyasəti prioritetlərinə təsir göstərmək,
  • Məktəblərdə riyaziyyat və elmə marağı stimullaşdırmaq,
  • Elmi məlumatları müxtəlif formalarda yaymaq və populyarlaşdırmaq.

Hər il akademiya fizika və kimya sahəsində "Nobel" mükafatı, Alfred Nobelin xatirəsinə verilən İqtisad Elmləri üzrə Sveriges Riksbank mükafatını, Crafoord mükafatını, Sjöberg mükafatını və bir neçə digər mükafatı təqdim edir. Akademiya xarici akademiyalar, elmi cəmiyyətlər və beynəlxalq elmi təşkilatlarla sıx əlaqələr saxlayır və həmçinin beynəlxalq elmi əməkdaşlığı təşviq edir. Elmlər Akademiyası Stokholm bölgəsində yerləşən Royal Milli Şəhər Parkı ərazisindədir.

Mükafatlar

[redaktə | vikimətni redaktə et]
Nobel Kimya Mükafatı, mətbuat konfransı (2008)

Qeyd olunan beynəlxalq mükafatlar

[redaktə | vikimətni redaktə et]

Qeyd olunan milli mükafatlar

[redaktə | vikimətni redaktə et]

Üzvlər

[redaktə | vikimətni redaktə et]

Akademiya 1739-cu ildə yaradıldığından bəri təxminən 1700 İsveçli və 1200 xarici üzv seçmişdir. Bu gün akademiyada təxminən 470 İsveçli və 175 xarici üzv var və müxtəlif elmi sahəni təmsil edən on “sinif”ə bölünmüşdür:[8]

Baş katiblərin siyahısı

[redaktə | vikimətni redaktə et]
Anders Johan von Höpken, ilk katib

Aşağıdakı şəxslər akademiyanın daimi katibləri olaraq xidmət etmişlər:

  • Anders Yohan fon Höpken, 1739–1740, 1740–1741
  • Auqustin Erenşvard, aprel - iyun 1740
  • Yakob Faggot, 1741–1744
  • Per Elvius, 1744–1749
  • Per Vilhelm Varqentin, 1749–1783
  • Yoxan Karl Vılke və Henrik Nikander, 1784–1796
  • Daniyel Melanderhjelm və Henrik Nikander, 1796–1803
  • Yöns Svanberq və Karl Qustaf Şyösten 1803-1808; Şyösten 1808-ci ildə vəzifəsinə laqeyd münasibət göstərdiyi üçün işdən çıxarılıb
  • Yöns Svanberq, 1809-1811
  • Olof Svarts, 1811–1818
  • Yens Yakov Bertselius, 1818–1848
  • Piter Fredrik Valberq, 1848–1866
  • Georg Lindhagen, 1866–1901
  • Kristofer Aurivillius, 1901–1923
  • Henrik Qustaf Söderbaum, 1923–1933
  • Henning Pleyel, 1933–1943
  • Arne Vestqren, 1943–1959
  • Erik Rudberq, 1959–1972
  • Karl Qustaf Bernhard, 1973–1980
  • Tord Qanelius, 1981–1989
  • Karl-Olof Yakobson, 1989–1997
  • Erling Norbi, 1997-30 iyun 2003
  • Gunnar Ökist, 1 iyul 2003 – 30 iyun 2010
  • Stafan Normark, 1 iyul 2010 – 30 iyun 2015
  • Göran K. Hansson, 1 iyul 2015 – 31 dekabr 2021[9]
  • Hans Ellegren, 1 yanvar 2022 - indiyə qədər

Nəşrlər

[redaktə | vikimətni redaktə et]
İsveç Elmlər Akademiyasının Əsərləri, cild XI (1750).

Akademiyanın əsərləri (Vetenskapsakademiens handlingar) 1739–1974-cü illər arasında onun əsas nəşri kimi dərc olunmuşdur. Paralel olaraq, digər əsas seriyalar da ortaya çıxmış və sonra dayandırılmışdır:

  • İsveç Elmlər Akademiyasının Müzakirələrinin Xülasəsi (1844–1903)
  • Akademiyanın Əsərlərinə Əlavə (1872–1902)
  • Akademiyanın İllik Jurnalı (1903–1969)

Akademiya fizika və kimya (1826), texnologiya (1827), botanika (1831) və zoologiya (1832) sahələrində illik hesabatlar nəşr etməyə başladı. Bu hesabatlar 1860-cı illərə qədər davam etdi və sonra tək Bihang seriyası ilə əvəz olundu (Bihang — Əsərlərə Əlavə mənasını verir). 1887-ci ildən etibarən bu seriya yenidən dörd bölməyə (afdelning) ayrıldı və 1903-cü ildə öz müstəqil elmi jurnalları — “Arkiv för…” (… üçün arxiv) adı altında nəşr olunmağa başladı. Bunlara aşağıdakılar daxil idi:

  • Botanika üçün Arxiv (1903–1974)
  • Kimya, Mineralogiya və Geologiya üçün Arxiv (1903–1949)
  • Riyaziyyat, Astronomiya və Fizika üçün Arxiv (1903–1949)
  • Zoologiya üçün Arxiv (1903–1974)

Mövzuların daha da yenidən təşkili 1949 və 1974-cü illərdə baş vermişdir. Akademiyanın digər ləğv edilmiş jurnalları bunlardır:

  • Süni İntellekt üzrə Elektron Əsərlər (1997–2001) [10]

Cari nəşrlər

[redaktə | vikimətni redaktə et]
  • Ambio (1972–)
  • Riyaziyyat Əsərləri (1882–)
  • Riyaziyyat Arxivi (1949-bu ad altında; 1903–1949 illərdə fizika və astronomiyanı əhatə edirdi)
  • Zoologiya Əsərləri (1920-)
  • Akademiyanın üzvlərinin həyat və fəaliyyət tərcümeyi-halları (1869-), həyat və fəaliyyət tərcümeyi-halları
  • Portret Matrisi (1971-), hazırkı üzvlərin portretləri
  • Zoologiya Yazıları (1972-), Norveç Elmlər və Ədəbiyyat Akademiyası ilə birlikdə

Tarix

[redaktə | vikimətni redaktə et]

Akademiya 2 iyun 1739-cu ildə təbiətşünas Karl Linney, merkantilist Yonas Alströmer, mexanik mühəndis Marten Trivald, dövlət məmurları Sten Karl Bielke və Karl Vilhelm Kederhilm, həmçinin dövlət xadimi və yazıçı Anders Cohan von Höpken tərəfindən yaradılmışdır[11].

Akademiyanın məqsədi praktik faydalı biliklərə diqqət yetirmək və akademiyanın kəşflərini geniş yaymaq üçün İsveç dilində nəşr etmək idi. Akademiya, 1719-cu ildə yaradılmış və Latın dilində nəşr olunan Uppsala Krallıq Elmlər Cəmiyyətindən fərqli olmaq üçün nəzərdə tutulmuşdu. İsveçin paytaxtında, ticarət fəaliyyətlərinə yaxın bir yerdə yerləşməsi də məqsədli idi (bu vaxt Uppsala kimi paytaxtda universitet yox idi). Akademiya Londondakı Kral Cəmiyyəti və Fransa Elmlər Akademiyası modellərinə uyğun qurulmuşdu, bəzi təsisçilər bu qurumlarla tanış idilər.

Həmçinin bax

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ "Nobel Prizes – The Royal Swedish Academy of Sciences". www.kva.se. İstifadə tarixi: 4 iyul 2017.
  2. ↑ "Prize in Economic Sciences – The Royal Swedish Academy of Sciences". www.kva.se. İstifadə tarixi: 4 iyul 2017.
  3. ↑ "Crafoord Prize – The Royal Swedish Academy of Sciences". www.kva.se. İstifadə tarixi: 4 iyul 2017.
  4. ↑ "Sjöberg Prize – The Royal Swedish Academy of Sciences". www.kva.se. İstifadə tarixi: 4 iyul 2017.
  5. ↑ "Rolf Schock Prizes – The Royal Swedish Academy of Sciences". www.kva.se. İstifadə tarixi: 4 iyul 2017.
  6. ↑ "Gregori Aminoff Prize – The Royal Swedish Academy of Sciences". www.kva.se. İstifadə tarixi: 4 iyul 2017.
  7. ↑ "ICRP - Awards". www.icrp.org. İstifadə tarixi: 5 yanvar 2022.
  8. ↑ "The members – The Royal Swedish Academy of Sciences". www.kva.se. İstifadə tarixi: 4 iyul 2017.
  9. ↑ Center for Molecular Medicine, "Göran K. Hansson new Permanent Secretary for the Royal Swedish Academy of Sciences", 2015.
  10. ↑ Electronic transactions on artificial intelligence : ETAI. (Journal, magazine, 1997) [WorldCat.org]. OCLC 1001705427.
  11. ↑ "History". The Royal Swedish Academy of Sciences. İstifadə tarixi: 18 oktyabr 2009.
 İsveç ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=İsveç_Kral_Elmlər_Akademiyası&oldid=8404361"