Məzmuna keç

İtan Houk

Vikipediya, azad ensiklopediya
İtan Houk
ing. Ethan Hawke
İtan Houk 2018-ci ildə
İtan Houk 2018-ci ildə
Doğum adı Ethan Green Hawke
Doğum tarixi 6 noyabr 1970(1970-11-06)[1][2][…] (55 yaş)
Doğum yeri
Həyat yoldaşı
Uşaqları
Fəaliyyəti kino aktyoru, kinorejissor, romançı, ssenarist, yazıçı, teatr aktyoru, televiziya aktyoru, komiks yazıçısı, teatr rejissoru
Fəaliyyət illəri 1985-ci ildən
Təhsili
Boyu 1,8 m[4]
Çəkisi 74 kq[4]
Üzvlüyü
IMDb ID0000160
Vikianbarın loqosu Vikianbarda əlaqəli mediafayllar

İtan Qrin Houk (ing. Ethan Green Hawke; 6 noyabr 1970[1][2][…], Ostin[3]) — amerikalı aktyor, yazıçı və film rejissoru. İlk rolu 1985-ci ildə çəkilmiş "Explorers" filmində olub. O, 1989-cu ildə Robin Vilyams ilə birlikdə rol aldığı "Ölü şairlər cəmiyyəti" filmi ilə daha çox tanınma qazanıb. İtanın ən məşhur filmləri aktrisa Cüli Delpi ilə baş rolda çəkildiyi "Əvvəl" trilogiyasıdır. Aktyor "Training Day" və "Boyhood" filmlərindəki performansına görə "Oskar" mükafatına namizədlik əldə etmişdir.

Həyatı

[redaktə | vikimətni redaktə et]

İtan Houk 6 noyabr 1970-ci ildə Texas ştatının Ostin şəhərində doğulmuşdur.[5][6] Anası xeyriyyə işçisi Lesli (qızlıq soyadı: Qrin), atası Ceyms isə sığorta aktuarisi olmuşdur. Onun valideynləri Texas ştatının Fort-Uort şəhərindəndirlər. Onlar orta məktəbdə oxuyarkən bir-birlərinə aşiq olublar və gənc yaşda evlənmək qərarına gəliblər. Houkun anası ailə həyatı quranda cəmi 17 yaşı var idi.[7] İtan onların evliliyindən bir il sonra dünyaya gəlmişdir. O, anadan olanda valideynlərinin hər ikisi Ostin Texas Universitetində tələbə idilər. Valideynləri 1974-cü ildə, onun cəmi dörd yaşı olanda ayrıldılar və sonda boşandılar.[5][8]

Boşanmadan sonra İtan anası tərəfindən böyüdülmüşdür. İkisi daimi bir ev tapmazdan əvvəl bir neçə dəfə köçməli olur, sonda nəhayət Nyu-York şəhərində məskunlaşdılar. İtan Brooklyn Heights-də yerləşən Packer Collegiate İnstitute-a getməyə başladı.[9] İtan 10 yaşında olanda onun anası ikinci dəfə ailə həyatı qurdu. Bundan sonra ailə Nyu-Cersi ştatının Township şəhərinə köçür.[10] İtan burada yerləşən West Windsor Plainsboro High School-da təhsil almışdır. O, sonralar, Hun School of Princeton adlı məktəbə getməli olur. Bu məktəbi 1988-ci ildə bitirmişdir.[11][12]

İtan orta məktəbdə oxuyarkən əvvəlcə yazıçı olmaq arzusunda idi. Lakin zaman keçdikcə o, aktyorluğa olan marağını kəşf etdi. İstedadını 13 yaşında ilk dəfə səhnədə nümayiş etdirmək imkanı qazandı. Bu, McCarter Teatrında baş verdi, burada Corc Bernard Şounun "Sent Joan" pyesinin tamaşasında çıxış etdi.[13] O, həmçinin West Windsor-Plainsboro məktəbində "Meet Me in St. Louis" və "You Can't Take It With You" kimi məktəb tamaşalarında rol alıb. Hun məktəbində oxuyarkən o, məşhur McCarter Teatrında aktyorluq kurslarına yazılır. Bu teatr Prinston məktəbinin yaxınlığında yerləşirdi.[14] Məktəbi başa vurduqdan sonra o, Pittsburqdakı Karnegi Mellon Universitetində oxuyaraq aktyorluğa olan həvəsini davam etdirdi. Ancaq o, "Ölü Şairlər Cəmiyyəti" filmində rol aldıqdan sonra çiçəklənən aktyorluq karyerasına diqqət yetirmək üçün universiteti yarımçıq qoymaq qərarına gəldi.[15] O, həmçinin iki il Nyu-York Universitetində ingilis dili təhsili almışdır, lakin karyerasına görə buranı tərk etmişdir.

Filmoqrafiya

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 Ethan Hawke // Internet Broadway Database (ing.). 2000.
  2. ↑ 1 2 Ethan Hawke // Encyclopædia Britannica (ing.).
  3. ↑ 1 2 Deutsche Nationalbibliothek Record #120866943 // Gemeinsame Normdatei (alm.). 2012—2016.
  4. ↑ 1 2 https://taddlr.com/fr/celebrity/ethan-hawke/.
  5. ↑ 1 2 Schindehette, Susan. "Mom on a Mission". People. 17 iyun 2002. 7 noyabr 2009 tarixində arxivləşdirilib. İstifadə tarixi: 26 oktyabr 2009.
  6. ↑ Solomon, Deborah. "Renaissance Man?". The New York Times. 16 sentyabr 2007. 11 dekabr 2008 tarixində arxivləşdirilib. İstifadə tarixi: 5 fevral 2009.
  7. ↑ Grossman, Anna Jane. "Vows: Leslie Hawke and David Weiss". The New York Times. 20 yanvar 2012. 2 dekabr 2014 tarixində arxivləşdirilib. İstifadə tarixi: 13 dekabr 2014.
  8. ↑ Ethan Hawke // Inside the Actors Studio. 8 sezon. 12 epizod. 21 aprel 2002. Bravo.
  9. ↑ "Ethan Hawke Biography". Turner Classic Movies. İstifadə tarixi: 20 mart 2011.
  10. ↑ "Hello Magazine Profile — Ethan Hawke". Hello!. Hello Ltd. 2 dekabr 2009 tarixində arxivləşdirilib. İstifadə tarixi: 6 fevral 2009.
  11. ↑ Hurlburt, Roger. "Earning His Wings". South Florida Sun-Sentinel. 25 iyun 1989. səh. 3F.
  12. ↑ "The Ultimate New Jersey High School Yearbook — A-K". The Star-Ledger. 7 iyun 1998. səh. 1.
  13. ↑ Brockes, Emma. "Ethan Hawke: I never wanted to be a movie star". The Guardian. London. 8 dekabr 2000. 9 may 2014 tarixində arxivləşdirilib. İstifadə tarixi: 3 fevral 2009.
  14. ↑ Vadeboncoeur, Joan. "Despite Film Success, Hawke Keeps A Keen Eye On Theater". Syracuse Herald American. 22 yanvar 1995. səh. 17.
  15. ↑ Kennedy, Dana. "The Payoff for Ethan Hawke". The New York Times. 14 aprel 2002. 5 fevral 2011 tarixində arxivləşdirilib. İstifadə tarixi: 5 fevral 2009.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=İtan_Houk&oldid=7689810"