Şəmsi Qoca

Şəmsi Qoca
Şəmsi Qoca
	Şəmsi Adilxan oğlu Qocayev
Doğum tarixi	27 aprel 1961 (65 yaş)
Doğum yeri	İlanlı, Amasiya rayonu, Ermənistan SSR, SSRİ;
Milliyyəti	azərbaycanlı
Həyat yoldaşı	Fəridə İsa qızı
Uşaqları	Aygün Qocayeva, Tural Qocayev, Aysel Şəms
Atası	Adilxan Məhərrəm oğlu
Anası	Şahzadə Əli qızı
Fəaliyyəti	publisist, musiqi pedaqoqu
Üzvlüyü	Azərbaycan Yazıçılar Birliyi;
Mükafatları

Şəmsi Adilxan oğlu Qocayev (27 aprel 1961, İlanlı, Amasiya rayonu) — Azərbaycanlı şair, publisist, pedaqoq, Azərbaycan Yazıçılar Birliyinin üzvü.^[1]

Həyatı və fəaliyyəti

Şəmsi Qoca 27 aprel 1961-ci ildə Qərbi Azərbaycanın Ağbaba mahalının Amasiya rayonunun Çaybasar (İlanlı) kəndində anadan olub. 1982-ci ildə Gəncə Dövlət Universitetinin Tarix fakültəsini bitirib.^[1]

1982–2005-ci illərdə Saatlı rayonunun məktəblərində müəllim, direktor müavini, məktəb inspektoru, RTŞ-nin müdir müavini vəzifələrində işləyib.^[1]

2006-cı ildən 30 yanvar 2013-cü ilə qədər Bakı Şəhəri üzrə Təhsil İdarəsinin Strateji təhlil, planlaşdılrma və kadrların idarəolunması sektorunda aparıcı məsləhətçi vəzifəsində işləmişdir. Müntəzəm olaraq dövri mətbuatda elmi-metodik, publisistik, ədəbi-tənqidi və pedaqoji məqalələrlə çıxış edir.

Bir sıra dərs vəsaitlərinin, tarix proqramlarının dərsliklərin və şeir kitablarının müəllifidir. Onlarla kitabın, "Azərbaycan tarixi" elektron dərsliklərinin redaktoru, "Bakı təhsili" qəzetinin yaradıcısı və ilk baş redaktoru olmuşdur. 2013-2017-ci illərdə Binəqədi rayonundakı 126 nömrəli tam orta məktəbin direktoru vəzifəsində işləmişdir.^[1] Hal-hazırda 166 nömrəli məktəb-liseyin direktorudur.^[2]

Ailəsi

Ailəlidir. Bir oğlu, iki qızı var.^[1]

Mükafatları

Şəmsi Qoca "Qızıl qələm" və "Məmməd Araz" mükafatları laureatıdır. 2011-ci ildə "Qabaqcıl təhsil işçisi" adına layiq görülmüşdür.^[1]

Əsərləri

1."Gecə nəğmələri" (şeirlər), Bakı, 1999.
2."Könlüm bənövşə yarpağı" ( şeirlər), Bakı, 2006.
3."Ruhuma yağış yağır" (şeirlər), Bakı, 2012.
4."İxtiralar və kəşflər", Bakı, 2005.
5."Həyati Bacarıqlara Əsaslanan Təhsil", Bakı, 2006.
6. "Dünyanın gözü yol çəkir" (şeirlər və poemalar) Bakı, 2011.
7."Hələ sevgi yaşayır" (seçilmiş şeirlər) Bakı, 2021.^[1]

Xarici keçidlər

İl kasad gələndə düşər qar tala… Arxivləşdirilib 2016-03-04 at the Wayback Machine

İstinadlar

1 2 3 4 5 6 7 www.haqqinda.az https://www.haqqinda.az/Q%25C9%2599rbi+Az%25C9%2599rbaycan/48798-%25C5%259E%25C9%2599msi+Qoca.html (#bare_url_missing_title). İstifadə tarixi: 9 iyul 2025.
↑ "Bakı məktəblərinə yeni təyin olunan direktorların adları TAM SİYAHI". EDNEWS (az.). 9 iyul 2025 tarixində arxivləşdirilib. İstifadə tarixi: 9 iyul 2025.

[:0-1] 1 2 3 4 5 6 7 www.haqqinda.az https://www.haqqinda.az/Q%25C9%2599rbi+Az%25C9%2599rbaycan/48798-%25C5%259E%25C9%2599msi+Qoca.html (#bare_url_missing_title). İstifadə tarixi: 9 iyul 2025.

[2] "Bakı məktəblərinə yeni təyin olunan direktorların adları TAM SİYAHI". EDNEWS (az.). 9 iyul 2025 tarixində arxivləşdirilib. İstifadə tarixi: 9 iyul 2025.

[1]

[2]