Şirvani Ədilli

Vikipediya, açıq ensiklopediya
Jump to navigation Jump to search
Şirvani Ədilli
Şirvani Kamil oğlu Ədilli
Fotoqrafiya
Doğum tarixi 17 sentyabr 1978 (1978-09-17) (40 yaş)
Doğum yeri Şıxbabalı, Ağdam rayonu
Vətəndaşlığı Flag of Azerbaijan.svg Azərbaycan
Təhsili Azərbaycan Dövlət İqtisad Universiteti

Şirvani Ədilli — Azərbaycanlı şair, tədqiqatçı.

Həyatı[redaktə | əsas redaktə]

17 sentyabr 1978-ci ildə Ağdam rayonunun Şıxbabalı kəndində anadan olub. Azərbaycan Texniki UniversitetiniAzərbaycan Dövlət İqtisad Universitetini bitirib.[1]

Yaradıcılığı[redaktə | əsas redaktə]

Orta məktəb illərindən şeir yazmağa başlayıb. Şeirlərini heca və əruz vəznlərində, həmçinin sərbəst formada yazır. İlk dəfə “Tək səbir” qəzetinin 01.11.1998. tarixlı sayında iki satirik şeiri çap olunub. Azərbaycan Texniki Universitetində fəaliyyət göstərən “Təhsil” cəmiyyətinin “Söz-sözə” ədəbi birliyinin üzvü olub. Həmin birliyin nəşr etdirdiyi “Söz çələngi-1” (Bakı, “Təhsil”-1999) və “Söz çələngi – 2” (Bakı, “Təhsil”-2001) ədəbi almanaxlarında şeirləri çap olunub.

Həmçinin “Vahid” poeziya evinin şeir məclislərinin iştirakçısı olub. 2008-ci ildən mətbuat səhifələrində mütəmadi olaraq elmi-publisistik məqalələrlə çıxış edir. “Borc” adlı ilk novellası “Təzadlar” qəzetində (12-22.02.2011) nəşr olunub.

Bədii yaradıcılıqla yanaşı şeir formalarının, həmçinin milli-ideoloji məsələlərin tədqiqi ilə müstəqil surətdə məşğul olur. Əruz haqqında araşdırmaları ədəbi mühitin diqqətini cəlb edib. Əruz vəzninin yaranması və türk dilinə uyğunluğu məsələsində ənənəvi baxışlardan fərqli baxış irəli sürüb. Bu vəznin daha asan öyrənilməsi üçün ilk dəfə cəmi iki səsli ünsürdən ibarət sadələşdirilmiş əruz qəliblərini tərtib edib. Azərbaycan sərbəst şeirinin ilk dəfə geniş nəzəriyyəsini işləyib. Heca vəzninin bölgü məsələsində yeni baxış irəli sürüb, qafiyə haqqında köklü araşdırması var.

Kitabları[redaktə | əsas redaktə]

  1. Mənim odlar diyarım. Şeirlər. Bakı, “Adiloğlu”, 2011. 112 səh. – tam mətni
  2. Əruz vəzninin sadələşdirilmiş qəlibləri. Bakı, “Adiloğlu”, 2011. 52 səh. – tam mətni
  3. Milli ideologiyamız: Türklük, Çağdaşlıq, İslam. Bakı, “Elm və təhsil”, 2013. 288 səh. – tam mətni
  4. Azərbaycan şeirində forma məsələləri. Bakı, “Elm və təhsil”, 2014. 144 səh. – tam mətni

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]