Əhməd Hüseyn Ədl
| Əhməd Hüseyn Ədl | |
|---|---|
| احمدحسین عدل | |
 | |
| Şəxsi məlumatlar | |
| Doğum tarixi | 1898 |
| Doğum yeri | |
| Vəfat tarixi | 1962 |
| Fəaliyyəti | siyasətçi, akademik heyət |
| Atası | Mirzə Məsud xan Ədlülmülk |
| Uşağı | Şəhriyar Ədl |
Əhməd Hüseyn Ədl (1898, Təbriz – 1962) — Kənd Təsərrüfatı naziri, Kərəc Kənd Təsərrüfatı Məktəbinin təsisçisi , İran müasir kənd təsərrüfatının yaradıcılarından biri.[1] Ədllər ailəsinə mənsub olmuşdur.
Bioqrafiyası
[redaktə | mənbəni redaktə et]Əhməd Hüseyn Ədl 1898-ci ildə Təbrizdə dünyaya gəlmişdir. Atası Mirzə Məsud xan Ədlülmülk və babası Hacı Seyid Hüseyn xan Şamqazani Azərbaycanın mülkiyyətçiləri və zənginlərindən idilər.
1963-cü ildə İsfahandan Tehrana gedərkən avtomobil qəzasında vəfat etmişdir.
Təhsili
[redaktə | mənbəni redaktə et]Orta təhsili aldıqdan sonra ali təhsil almaq üçün Fransaya yollanmışdır. Orada kənd təsərrüfatı üzrə ali təhsil almışdır.[2] 1922-ci ildə ali təhsili başa vurduqdan sonra İrana geri dönmüşdür.
Fəaliyyəti
[redaktə | mənbəni redaktə et]O, üç dəfə Əhməd Qəvamın müxtəlif kabinetlərində, bir dəfə Mirzə İbrahim xan Həkiminin kabinetində və bir dəfədə Fəzlullah Zahidinin kabinetində İranın kənd təsərrüfatı naziri təyin edilib, o həmçinin İsfahan Sənayeçiləri İttifaqının prezidenti olmuşdur. Əhməd Hüseyn Ədl İranın yeni kənd təsərüfatının atası kimi tanınır.[1]
1922-ci ildə xaricdən geri döndükdən sonra İctimai Münasibətlər nazirliyində işləməyə başlamışdır. 1930-cu ildə Aqronomiya Kollecində direktor kimi çalışmağa başlamışdır. Kəracdakı Kənd Təsərrüfatı fakültəsində müəllim kimi çalışmışdır. Sonradan Fəzlullah Zahidinin hökumət kabinetində kənd təsərrüfatı naziri kimi çalışdıqdan sonra özəl sahədə çalışmağa başlamışdır.[1]
Onun əsasını qoyduğu Kərac Kənd Təsərrüfatı Məktəbi sonradan Tehran Universitetinin tərkibinə qatılmışdır.[3]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ 1 2 3 Bāqer ʿĀqeli. "ADL, Aḥmad-Ḥosayn". Iranica Online. 2022-05-17 tarixində arxivləşdirilib.
- ↑ "عدل، احمدحسین". Rasekhoon.net. İstifadə tarixi: 2014-02-17.[ölü keçid]
- ↑ "Archive of SID" (PDF). Sid.ir. 2015-09-24 tarixində arxivləşdirilib (PDF). İstifadə tarixi: 2014-02-17.