Əhməd Qaraca

Vikipediya, açıq ensiklopediya
Jump to navigation Jump to search
ƏHMƏD QARACA
Şəkil yoxdur-kişi.svg
Doğum tarixi 22 sentyabr, 1929
Doğum yeri Hakveyis, Türkiyə
Vəfat tarixi 16 may, 2005
Vəfat yeri Ankara, Türkiyə
Fəaliyyəti jurnalist

Əhməd bəy Qaraca — Azərbaycanın müstəqilliyi uğrunda uzun illər boyu mücadilə aparmış böyük dövlət xadimi Məmməd Əmin Rəsulzadənin yaxın silahdaşı, Azərbaycan Kültür Dərnəyinin baş katibi.

Həyatı[redaktə | əsas redaktə]

Əhməd Qaraca 1929-cu il sentyabr ayının 22-də Türkiyənin Hakveyis kəndində anadan olmuşdur. Azərbaycanın bolşeviklər tərəfindən işğalından sonra Ə.Qaracanın ailəsi 1924-cü ildə Azərbaycandan Türkiyəyə köçüb. İqdırda orta məktəbi, 1947-ci ilin yayında isə Atatürk Litseyini bitirib. Sonra Ankara Universitetinin Dil və Tarix-Coğrafiya Fakültəsinin klassik filoloji bölümünə daxil olub. Əhməd Qaraca 1949-cu ildə yaradılan və Məhəmməd Əmin Rəsulzadə Ocağı adlandırılan Azərbaycan Kültür Dərnəyinin üzvü olub. 1955-ci ildən vəfat etdiyi günədək dərnəyin baş katibi postunu daşıyıb.

Ə.Qaraca ali təhsil aldıqdan sonra əllinci illərdən başlayaraq Azərbaycan davasına qoşulmuş, M.Ə.Rəsulzadənin yaxın əqidə dostlarından biri olmuşdur. Həmin illərdə M.Ə.Rəsulzadənin əsasını qoyduğu Azərbaycan Kültür Dərnəyinin işində fəallıq göstərmiş, "Azərbaycan" jurnalının baş yazarlığını etmişdir.

Ötən əsrin 60-80-ci illərində Ə.Qaraca Sovetlər Birliyinin yürütdüyü imperiya siyasətini öz yazılarında və çıxışlarında ifşa etmiş, çoxlu sayda tədbirlərin təşkilatçısı olmuşdur.

Ə.Qaraca Azərbaycanın mədəniyyəti, tarixi, siyasəti, çağdaş durumu ilə bağlı dəyərli əsərlərin də müəllifidir.

Əhməd Qaraca ayrı-ayrı vaxtlarda Türkiyədə mühacirətdə olan Müsavat Partiyasının Divan üzvü, baş katibi olaraq kommunist-rus işğalına qarşı verilən milli mücadilənin içində olub.

1992-ci ildə Bakıda Müsavat Partiyasının III Bərpa Qurultayında iştirak edən Ə.Qaraca təşkilata rəhbərlik estafetini Azərbaycan Respublikasının Müsavat əqidəli siyasətçilərinə təhvil vermişdir.

Ə.Qaraca həm də təcrübəli jurnalist, dəyərli pedaqoq idi. Ankara Universitetində "Qəzetçilik"dən dərs verən Ə.Qaraca jurnalist kadrlarının hazırlığında önəmli rol oynamışdır.

Ə.Qaraca 2005-ci il may ayının 16-da Türkiyənin paytaxtı Ankara şəhərində dünyasını dəyişib.