Əli Əhmədov (siyasətçi)

Vikipediya, açıq ensiklopediya
Jump to navigation Jump to search
Əli Əhmədov
Əli Cavad oğlu Əhmədov
YAP İcra katibi Əli Əhmədov.JPG
bayraqAzərbaycan Respublikası Baş nazirinin müavinibayraq
2013 -
bayraqYeni Azərbaycan Partiyasının Sədr müavini
2005 -
bayraqYeni Azərbaycan Partiyasının İcra katibi
1999 -
bayraqXətai Rayon İcra Hakimiyyətinin başçısıbayraq
1999 — 2000
bayraqAzərbaycan Respublikası Prezidentinin Administrasiyasında şöbə müdirinin müavinibayraq
1997 — 1999

Partiya Logo of New Azerbaijan Party.png Yeni Azərbaycan Partiyası
Təhsili Moskva Dövlət Tarix-Arxiv İnstitutu
Fəaliyyəti Baş nazirin müavini, YAP Sədrinin müavini - İcra katibi
BDU-nun politologiya və sosiologiya kafedrasının müdiri
Doğum tarixi 27 yanvar 1953 (1953-01-27) (66 yaş)
Doğum yeri Dərə, Basarkeçər rayonu,
Təltifləri "Şöhrət" ordeni (Azərbaycan) — 2013

Əhmədov Əli Cavad oğlu (d.27 yanvar, 1953, Dərə, Basarkeçər rayonu, Ermənistan SSR) — Azərbaycan Respublikası Baş nazirinin müavini, Yeni Azərbaycan Partiyası Sədrinin müavini və partiyanın İcra katibidir, fəlsəfə doktoru, professordur. [1]

Həyatı və fəaliyyəti[redaktə | əsas redaktə]

Əli Əhmədov 1953-cü il yanvarın 27-də Ermənistan SSR Basarkeçər rayonunun Dərə kəndində anadan olmuşdur. Moskva Dövlət Tarix-Arxiv İnstitutunun tarix fakültəsini bitirmişdir. 1 dərsliyin, 50-dən çox elmi əsərin və məqalənin müəllifidir.

1975-ci ildən Baş Arxivlər İdarəsinin baş elmi işçisi, Azərbaycan EA-nın Mərkəzi Elmi Baş Arxivinin müdiri olmuşdur. 1980-ci ildən Azərbaycan Dövlət Universitetində laborant, müəllim, baş müəllim, dosent, kafedra müdiri işləmişdir.

1997-ci ildən Azərbaycan Respublikası Prezidentinin Administrasiyasında şöbə müdirinin müavini vəzifəsində çalışmışdır. 1999–2000-ci illərdə Xətai Rayon İcra Hakimiyyətinin başçısı olmuşdur.

1999-cu ildə Yeni Azərbaycan Partiyasının I qurultayında partiyanın İcra katibi seçilmişdir. Partiyanın 2005-ci ildə keçirilən III qurultayında və 2013-cü ildə keçirilən V qurultayında YAP Sədrinin müavini və İcra katibi seçilmişdir.

2000-ci ildə ikinci çağırış Azərbaycan Respublikası Milli Məclisinin deputatı olmuşdur. 2005-ci il noyabrın 6-da 19 saylı Nərimanov birinci seçki dairəsindən deputat seçilmişdir. Milli Məclisin Elm və təhsil məsələləri daimi komissiyasının üzvü olmuşdur. 2010-cu ildə dördüncü çağırış Azərbaycan Respublikası Milli Məclisinin deputatı seçilmişdir. Azərbaycan-Çin parlamentlərarası əlaqələr üzrə işçi qrupunun rəhbəri, Azərbaycan-Belarus, Azərbaycan-İtaliya parlamentlərarası əlaqələr üzrə işçi qruplarının üzvü olmuşdur.

22 oktyabr 2013-cü ildən Azərbaycan Respublikası Baş nazirinin müavinidir.[2]

Evlidir, 2 övladı var.

Təltifləri[redaktə | əsas redaktə]

2009-cu ildə Polşa prezidentinin sərəncamı ilə iki ölkənin münasibətlərinin inkişafına göstərdiyi xidmətlərə görə "Kavaler" ordeni ilə təltif olunmuşdur.[3]

2013-cü yanvarın 25-də Azərbaycan Respublikasının Prezidenti İlham Əliyevin sərəncamı ilə Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif olunmuşdur.[4]

Mənbə[redaktə | əsas redaktə]

İstinadlar[redaktə | əsas redaktə]