Əli Amir

Vikipediya, açıq ensiklopediya
Jump to navigation Jump to search

Əli Amir — Məşhur İsrail yazıçısı

Həyatı[redaktə | əsas redaktə]

Əli Amir 1937-ci ildə Bağdadda anadan olub. Əli Amir uşaq yaşlarında ailəsi ilə birlikdə İsrailə köç edib. O, Mişmar Haemek Kibutzunda tərbiyə alıb. Yerusəlim Universitetinin ərəb dili və ədəbiyyatı fakültəsini bitirib.

Yaradıcılığı[redaktə | əsas redaktə]

1980-ci illərdə ədəbiyyat dünyasına atılan Əli Amir tezliklə böyük şöhrət qazanır, qələmə aldığı “Göyərçin uçuran”, “Günah keçisi” və “Jasmin” romanları böyük səs-küy doğurur.

“Günah keçisi” eyni zamanda bütöv bir nəslin avtobioqrafiyası hesab olunur. Təsadüfi deyil ki, bu roman bir çox mükafatlara layiq görülmüş, məktəb proqramlarına daxil edilmişdir.

Əli Amir geniş ictimai fəaliyyəti olan bir yazıçıdır, öz həyatını İsrail dövlətində yəhudilərlə ərəblərin qarşılıqlı münasibətləri probleminə həsr edib.

O, ölkəyə yeni köç edənlərin təlim və təhsili məsələlərini həll etməklə məşğul olmaqdadır.

Yazıçının sonuncu romanı olan “Jasmin” bütün Yaxın Şərq ölkələrində ən çox satılan kitablar siyahısındadır.

Azərbaycan dilinə tərcümə edilmiş əsərləri[redaktə | əsas redaktə]

"Günah keçisi" romanı[redaktə | əsas redaktə]

Əli Amir Azərbaycan dilində ilk dəfə "Günah Keçisi" adlı romanı “Alatoran Yayınları” seriyasından nəşr olunub[1]. Bu roman adı çəkilən trilogiyanın ikinci romanı olaraq dünyanın bir çox dillərinə tərcümə edilmiş və ekranlaşdırılmışdır. Son dərəcə maraqlı avtobioqrafik “Günah Keçisi” romanının qəhrəmanı Nurinin başına gələn hadisələr əslində müəllifin öz həyatının epizodlarıdır. Patriarxal, qatı dindar ailənin yetirməsi olan Nuri kibutzda yeni dünyanın insanlarıyla qarşılaşır, şərq və qərb dünyagörüşünün kəsişmə nöqtəsində ziddiyyətli günlər yaşayır.

"Yasəmən" romanı[redaktə | əsas redaktə]

2013-cü ildə Əli Amirin "Yasəmən" romanı Azərbaycan dilinə tərcümə edilmiş və 16 Dekabr 2013-cü ildə Bakı Dövlət Universitetində kitabın təqdimatı olmuşdur[2].

İstinadlar[redaktə | əsas redaktə]

  1. Məşhur İsrail yazıçısının romanı ilk dəfə Azərbaycan dilində! — azadliq.org saytı
  2. Pərvanə Sultanova, "Bakıda məşhur İsrail yazıçısı Əli Amirin "Yasəmən" romanının təqdimatı olub" — gun.az saytı