Əli Həsənov (siyasətçi, 1948)

Vikipediya, azad ensiklopediya
(Əli Həsənov (Baş nazirin müavini) səhifəsindən istiqamətləndirilmişdir)
Jump to navigation Jump to search
Əli Həsənov
Əli Şamil oğlu Həsənov
Ali S. Hasanov.jpg
bayraqAzərbaycan Respublikası
Baş nazirinin müavini
bayraq
18 noyabr 1998 — 21 oktyabr 2019
bayraqAzərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin sədribayraq
18 noyabr 1998 — 21 aprel 2018
Xələfi Rövşən Rzayev
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Azərbaycan Neft və Kimya İnstitutu
İxtisası mexanik
Fəaliyyəti Dövlət xadimi
Doğum tarixi 10 aprel 1948 (1948-04-10) (71 yaş)
Doğum yeri Cəbrayıl rayonu, Böyük Mərcanlı
Atası Şamil Həsənov
Uşağı Emin
Tanınır Dövlət xadimi

Mükafatları "Şöhrət" ordeni (Azərbaycan) — 2008 II dərəcəli "Vətənə xidmətə görə" ordeni — 2018

Əli Şamil oğlu Həsənov (10 aprel 1948(1948-04-10), Cəbrayıl) — Azərbaycan Respublikası Baş nazirinin müavini, Beynəlxalq Humanitar Yardım üzrə Respublika Komissiyasının sədri, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri.

Həyatı[redaktə | əsas redaktə]

Əli Şamil oğlu Həsənov 1948-ci il aprelin 10-da Cəbrayıl rayonunun Böyük Mərcanlı kəndində anadan olmuşdur.[1]

1964-cü ildə Böyük Mərcanlı kənd orta məktəbini bitirmişdir.

1964-1969-cu illərdə Azərbaycan Neft və Kimya İnstitutunun mexanika fakültəsində təhsil almışdır. 1981-1985-ci illrədə Bakı Ali Partiya Məktəbində təhsilini davam etdirmişdir.

Fəaliyyəti[redaktə | əsas redaktə]

Əmək fəaliyyətinə 1969-cu ildə "Azərneftkimyaquraşdırma" Tresti Birinci Sumqayıt quraşdırma idarəsində usta kimi başlamışdır. Sonralar həmin idarədə iş icraçısı, baş iş icraçısı, şöbə müdiri, baş mühəndis vəzifələrində işləmişdir.

  • 1978-ci ildən "Kimyasənaye" İstehsalat Birliyində baş direktorun əsaslı tikinti üzrə müavini, elə həmin ildən SSRİ Kimya Nazirliyi "Sumqayıt kimyasənaye" Birliyi baş direktorun tikinti üzrə müavini,
  • 1979-cu ildən "Üzvisintez" İstehsalat Birliyində tikinti üzrə direktor müavini,
  • 1980-cı ildən Sumqayıt Şəhər İcraiyyə Komitəsi sədrinin müavini,
  • 1980-1983-cü illərdə Sumqayıt Şəhər Partiya Komitəsinin ikinci katibi,
  • 1983-cü ildən Sumqayıt Şəhər İcraiyyə Komitəsi sədrinin birinci müavini,
  • 1991-ci ildən Sumqayıt Şəhər İcra Hakimiyyəti başçısının birinci müavini,
  • 1993-cü ildən "Azərkimya" Dövlət Şirkəti prezidentinin müavini, birinci müavini,
  • 1997-1998-ci illərdə isə Dövlət Ekologiya və Təbiətdən İstifadəyə Nəzarət Komitəsinin sədri vəzifələrində çalışmışdır.
  • 1990-cı ildə respublika Ali Sovetinin deputatı,
  • 1996-cı ildə isə Azərbaycan Respublikası Milli Məclisinin deputatı seçilmişdir.

1998-ci ilin noyabr ayından Azərbaycan Respublikası Baş nazirinin müavinidir. Eyni zamanda Beynəlxalq Humanitar Yardım üzrə Respublika Komissiyasının, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədridir.

1998-2018-ci illərdə Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin sədri vəzifəsində çalışmışdır.

Azərbaycan Respublikası Prezidentinin 2008-ci il 9 aprel tarixli Sərəncamı ilə dövlət qulluğunda göstərdiyi səmərəli fəaliyyətinə görə “Şöhrət” ordeni ilə təltif edilmişdir. 2013-cü ildə Yeni Azərbaycan Partiyasının V qurultayında YAP Sədrinin müavini seçilmişdir. 2018-ci il 20 aprel tarixində Azərbaycanda qaçqınların və məcburi köçkünlərin sosial məsələlərinin həllində səmərəli fəaliyyətinə görə II dərəcəli “Vətənə xidmətə görə” ordeni ilə təltif edilmişdir.[2] Qardaşı Ramiz Həsənov Zəngilan Rayonunun İcra Hakimiyyətinin başçısıdır. Ailəlidir, 2 övladı var.

Ədəbiyyat[redaktə | əsas redaktə]

  • "Azərbaycanda Kim Kimdir" ensiklopedik məlumat kitabı. Bakı-1999

Həmçinin bax[redaktə | əsas redaktə]

Xarici keçidlər[redaktə | əsas redaktə]

  • "Qarabağın görkəmli şəxsiyyətləri:Əli Həsənov (1948)". "Virtual Qarabağ" İKT Mərkəzinin rəsmi portalı (azərb.). virtualkarabakh.az. 2013. İstifadə tarixi: 2014-10-14.

İstinadlar[redaktə | əsas redaktə]