Əli Vəlioğlu

Vikipediya, azad ensiklopediya
Jump to navigation Jump to search
Əli Əlizadə
Əli Vəli oğlu Əlizadə
Təxəllüsü Əli Vəlioğlu
Doğum tarixi (82 yaş)
Doğum yeri Qərbi Azərbaycan, Meğri rayonu, Nüvədi kəndi
Vətəndaşlığı Azərbaycan AzərbaycanSSRİ SSRİ
Milliyyəti azərbaycanlı
Fəaliyyəti şair
Fəaliyyət illəri 1989-2011
Mükafatları "Həsən bəy Zərdabi", "Qızıl qələm"

Əli Vəli oğlu Əlizadə(1 yanvar 1940, Nüvədi, Meğri rayonu) — Şair, publisist, 2006-cı ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (2004)[1]

Həyatı[redaktə | mənbəni redaktə et]

Əli Vəlioğlu 1940-cı ilin yanvarın 1-də Qərbi Azərbaycanın Meğri rayonunun Nüvədi kəndində anadan olmuşdur. Yeddiilliyi Nüvədi kəndində, 1958-ci ildə orta məktəbi qonşuluqda olan Aldərə kəndində bitirmişdir. 1958-1961-ci illərdə əmək fəaliyyətinə kolxozda məşğul olmuşdur. 1961-1964-cü illərdə ordu sıralarında xidmət etdikdən sonra 1968-ci ilədək yenidən Nüvədi kənd kolxozunda işləmişdir. 1965-1975-ci illərdə Azərbaycan Dövlət Universitetinin filologiya fakültəsində qiyabi təhsil aldıqdan sonra 1968-1989-cu illərdə Nüvədi kənd orta məktəbində Azərbaycan dili və ədəbiyyatını tədris edib.

Fəaliyyəti[redaktə | mənbəni redaktə et]

1989-cu ildə qaçqınlıq dönəmində Bakıya köçən Vəlioğlu Azərbaycan Qaçqınlar Cəmiyyətində bir il işlədikdən sonra 1991-1992-ci illərdə "Hikmət", "20 Yanvar" qəzetlərində böyük müxbir kimi jurnalistlik fəaliyyətinə başlayıb. 1993-cü ildə "Türk dünyası" jurnalında redaktor müavini, "Kefli İsgəndər" satirik qəzetində baş redaktorun müavini, həm də rəssam kimi fəaliyyət göstərmişdir. 1993-cü ildən Bakının 151 saylı orta məktəbində müəllim vəzifəsində işləyən şair 2004-cü ildən Azad Azərbaycan cəmiyyətinin üzvüdür. Ədəbi fəaliyyətə 1965-ci ildən başlayan Əli Vəlioğlunun 1970-ci ildə "Kommunist" qəzetində ilk miniatürləri, 1983-cü ildə "Ədəbi Ermənistan" almanaxında şeirləri, "Didərginlər" kitabında publisist məqalələri dərc olunmuşdur. [2]

Əsərləri[redaktə | mənbəni redaktə et]

  • "Mənim da ulduzum" (1985)
  • "Mənim dünyam" (1993)
  • "Qəzəllər"
  • "Halal çörək" (povest, 1997)
  • "Bu minvalla dünya belə qalammaz" (şeirlər, hekayələr, 1997)
  • "Mənim mənalı dünyam" (hikmətli deyimlər, 2001)
  • "Vətən boyda dərd göyərtdim, qəm yedim" (şeirlər, 2004)
  • "Ağıl dəryasından incilər" (2008)
  • "Ömrümüzə işıq düşür" (albom, 2000)
  • "Nüvədi və nüvədililərin tayfa şəcərəsi" (2009)

Mükafatları[redaktə | mənbəni redaktə et]

Jurnalistlik fəaliyyətinə görə 2004-cü ildə "Həsən bəy Zərdabi", 2006-cı ildə isə "Qızıl qələm" media nükafatına layiq görülmüşdür.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. "Mirzəhüseyn segahı - Əli Vəlioğlu". 5 January 2018 tarixində arxivləşdirilib. İstifadə tarixi: 2019-06-10.
  2. "Səmimi fikirlərin ləyaqətli müəllifi". 11 jun 2019 tarixində arxivləşdirilib. İstifadə tarixi: 2019-06-10.

Ədəbiyyat[redaktə | mənbəni redaktə et]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı; "Nurlar", Bakı - 2011