Əli ağa Cavanşir

Vikipediya, açıq ensiklopediya
Jump to navigation Jump to search
ƏLİ AĞA CAVANŞİR
Fotoqrafiya
Doğum tarixi 1858
Doğum yeri Şuşa
Fəaliyyəti şair

Əli ağa Kərim ağa oğlu Cavanşir (1858 -?) — şair.

Həyatı[redaktə | əsas redaktə]

Əli ağa Cavanşir 1858-ci ildə Şuşa şəhərində doğulmuşdu. İbtidai təhsilini molla yanında almışdı. Sonra Şuşa şəhər məktəbində oxumuşdu. Şair idi. Mir Möhsün Nəvvabın təzkirəsində şeirlərindən nümunə var.

Yaradıcılığı[redaktə | əsas redaktə]

XXX

Sənin ahu kimi çeşmin mənə bir ləhzə ram olmaz,
Təəccübdür, bu günə dərd ilə ömrüm tamam olmaz.

Həqiqətdə nə xoşdur kafərin qəlbində rəhm olmasa,
Sənin qəlbində bəs rəhm eyləmək necə, həram olmaz?

Hüzurunda pərişan söylərəm, məzur tut, cana,
Cünunu-eşq əqlində yəqindir ki, nizam olmaz.

Səni dilbər nəvaziş eyləyə, əlbəttə, qədrin bil
Qənimətdir, könül, məhvəşlərin lütfü madam olmaz.

Mənə məşuqəsiz xüldi-bərin bağlı cəhənnəmdir,
Hüzuri-yardən qeyri, həqiqət, xoş məqam olmaz.

Nə lazımdır mənə sazü nəvazü tarü həm bərbüt,
Fəraqinla xarab olmuş könül heç şadkam olmaz.

Əgər kərrat ilə məzul qılsan xaki-kuyindən,
Əli bir yanə getməz, çün onunçün nəngü nam olmaz.

Mənbə[redaktə | əsas redaktə]