Əmbil gölü

Vikipediya, açıq ensiklopediya
Jump to navigation Jump to search

Əmbil gölü - Şabran rayonundan 25 km şimal-qərbdə olan Zeyvə kəndinin meşəliyində 935 metr yüksəklikdə yerləşir. Dəniz səviyyəsindən hündürlüyü 927 m, diametri 150 m olan dairəvi formadadır.[1]

Əmbil gölü

Toponimi[redaktə | əsas redaktə]

Əmbilgöl- Şabran çayının yuxarı axını hövzəsindədir. Gölün adı ərəb dilindəki əm (camaat, icma), tat dilindəki bil (bataqlıq) və Azərbaycan dilindəki göl sözlərindən ibarət olub, "icmaya məxsus göl" mənasındadır.

Coğrafi ərazi[redaktə | əsas redaktə]

Zeyvə kəndi

Şabran (Dəvəçi) rayonu Bakıdan şimalda Quba-Xaçmaz iqtisadi rayonunda yerləşir. Rayonun ərazisi şərq tərəfdən Xəzər dənizinin sahillərinə qovuşur. Quba, XaçmazSiyəzən rayonu ilə həmsərhəddir. Bakı-Moskva dəmir yolu,Bakı-Rostov avtomobil yolu,Bakı-Novorosiysk neft kəməri,Samur-Abşeron kanalı,1914-cü və Sovet dövründə çəkilmiş Şollar-Bakı su kəmərləri rayonun ərazisindən keçir.

Şabran rayonu Böyük Qafqazın şimal-şərqində yerləşir. Relyefi çox müxtəlifdir. Dəniz sahillərindən başlanan düzənliklər tədricən təpəliklərə, daha sonra meşələrə, qayalara və dağlara çevrilir. Ərazi neft-qaz (Zağlı-Zeyvə neft yataqları), çınqıl, qum, gil və digər faydalı qazıntılar ilə zəngindir. Rayonda, həmçinin palçıq vulkanları var.

Meşələrin sahəsi 21500 hektardır. Bu meşələrin heyvanat aləmində canavar, ayı, tülkü, çaqqal,porsuq, qabanceyran, quşlardan isə qırqovul və kəlik daha geniş yayılmışdır. Respublikamızda ən böyük şirin sulu Ağzıbirçala (liman) gölü bu rayonun ərazisindədir.Göldə ov quşlarindan qaz,yaşılbaş ördəkqaşqaldaq qışlayır. Nohurlar kəndindən bir qədər aralıda isə bir-birindən gözəl 7 dağ gölü yerləşir. Bir qədər arxaik ada malik olan Dəvəçi şəhəri Camal dağının (təpənin) ətəyində, yaşıllıqlar qoynunda yerləşir.Məşhur Neft (nöyüt) dağı rayonun ərazisindədir.[2]

Əmbil gölü


Həmçinin bax[redaktə | əsas redaktə]

İstinadlar[redaktə | əsas redaktə]

  1. http://gsaz.az/articles/view/380/Zeyvə kəndi və Əmbil gölü ilə görüş səfəri
  2. http://shabran-ih.gov.az/page/10.htmlRayon haqqında