Əmir Əliyev (professor)

Vikipediya, açıq ensiklopediya
Jump to navigation Jump to search
Əmir Əliyev
azərb. Əliyev Əmir İbrahim oğlu
Doğum tarixi 4 aprel 1973 (1973-04-04) (46 yaş)
Doğum yeri Nüvədi, Meğri rayonu
Flag of the Armenian Soviet Socialist Republic.svg Ermənistan SSR
Flag of the Soviet Union.svg SSRİ
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Milliyyəti Azərbaycanlı
Elm sahəsi Hüquq
İş yeri Bakı Dövlət Universiteti
Elmi dərəcəsi hüquq elmləri doktoru (2007)
Elmi adı professor (2009)
Təhsili Bakı Dövlət Universiteti

Əmir Əliyev (tam adı:Əliyev Əmir İbrahim oğlu; d. 4 aprel, 1973, Nüvədi, Meğri rayonu, Ermənistan SSR) — professor (2009), hüquq elmləri doktoru (2007)[1], Hüquq fakültəsinin dekanı[2]

Həyatı[redaktə | əsas redaktə]

Əmir Əliyev 1973-cü il aprel ayının 4-də Ermənistan SSR Meğri rayonunun Nüvədi kəndində anadan olmuşdur. 1979-1989-cu illərdə Meğri rayonunun Nüvədi kənd orta məktəbində oxumuş, 1989-1994-cü illərdə Bakı Dövlət Universitetinin hüquq fakültəsində təhsil almışdır[1].

1995-ci ildə BDU-da "Beynəlxalq hüquq" ixtisası üzrə aspiranturaya daxil olmuşdur. 1997-ci ildən hal-hazıra qədər BDU-da əvvəlcə müəllim, baş müəllim, dosentprofessor vəzifəsində çalışır[1].

Ailəsi[redaktə | əsas redaktə]

Ailəlidir, üç övladı var[1].

Pedaqoji fəaliyyəti[redaktə | əsas redaktə]

1997-ci ildən 2006-cı ilə kimi BDU-nun "Beynəlxalq hüquq və xarici ölkələrin dövlət hüququ" kafedrasında müəllim, baş müəllim, dosent vəzifəsində işləmişdir. 2006-cı ildən yeni yaranan "Beynəlxalq xüsusi hüquq və Avropa hüququ" kafedrasının dosenti, 2009-cu ildən isə professoru vəzifəsində çalışır[1].

Azərbaycan Respublikasının Prezidenti yanında Ali Attestasiya Komissiyasının «Hüquq» elmləri üzrə Ekspert Şurasının üzvüdür. Eyni zamanda, Vəkillər üzrə Respublika İxtisas Komissiyasının üzvüdür. BDU tərəfindən buraxılan «Beynəlxalq hüquq və inteqrasiya problemləri» adlı elmi-analitik və praktiki jurnalın baş redaktor müavinidir[1].

Əmir Əliyev "Beynəlxalq ümumi hüquq", "İnsan hüquqlarının beynəlxalq-hüquqi müdafiəsi", "Beynəlxalq gömrük hüququ", "Avropa hüququ" fənlərini tədris edir[1].

Elmi fəaliyyəti[redaktə | əsas redaktə]

2003-ci ildə "Azərbaycan Respublikasında əcnəbilərin hüquqi vəziyyəti və beynəlxalq hüquq" mövzusunda namizədlik dissertasiya işini müdafiə etmiş, hüquq elmləri namizədi alimlik dərəcəsi, 2007-ci ildə isə "Əcnəbilərin və vətəndaşlığı olmayan şəxslərin statusunun beynəlxalq-hüquqi tənzimlənməsi: nəzəriyyə və praktika" mövzusunda doktorluq dissertasiya işini müdafiə edərək hüquq elmləri doktoru alimlik dərəcəsi almışdır[1].

Əmir Əliyev "Beynəlxalq hüquq", "İnsan hüquqları" və "Avropa hüququ" sahələri üzrə tədqiqat aparır[1].

Kitabları[redaktə | əsas redaktə]

  1. Beynəlxalq ümumi hüquq. Metodik vəsait. Bakı, 2005.
  2. Beynəlxalq xüsusi hüquq. Dərslik. Tərcümə. Bakı, 2007.
  3. Beynəlxalq turizm hüququ. Monoqrafiya. Bakı, 2007.
  4. Əcnəbilərin və vətəndaşlığı olmayan şəxslərin statusunun beynəlxalq-hüquqi tənzimlənməsi. Monoqrafiya. Bakı, 2007.
  5. Müasir beynəlxalq hüquqda insan hüquqları, əhali və miqrasiya problemləri. Dərslik. Bakı, 2007.
  6. İnsan hüquqlarının beynəlxalq-hüquqi müdafiəsi. Dərslik. Bakı, 2009
  7. İnsan hüquqları. Dərslik. Bakı, 2013.[3]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 1,8 "Əliyev Əmir İbrahim oğlu" (azərb.). Bakı Dövlət Universiteti. irl.bsu.edu.az.
  2. A.Aslan. "BDU-da elmi konfrans keçirilib" (azərb.). MODERN.AZ. modern.az (06.05.2013, 19:07).
  3. Afət. "Əmir Əliyevin «İnsan hüquqları» kitabı işıq üzü görüb" (azərb.). SİA. sia.az (22.11.2013 13:53).