Dosent
Dosent (lat. docere - "öyrətmək") — ali məktəblərdə universitet mühazirəçisi funksiyasını yerinə yetirən şəxslərə verilən vəzifədir. O həm də elmi tədqiqat müəssisələrində (məsələn Akademiya sistemində) elmi ad kimi verilə bilər. Dosent elmi adı ali məktəbin Elmi Şurası tərəfindən verilir və Ali Attestasiya Komissiyası tərəfindən təsdiq edilir. Böyük pedaqoji təcrübəyə malik mütəxəssislərə elmi dərəcə olmadan da dosent adı verilə bilər.
Dosent elmi vəzifəsi ali məktəblərdə ən azı 5 il çalışmış, elmi təcrübəsi olan şəxslərə verilir. Almaniyada dosent vəzifəsi Azərbaycandakı ilə oxşardır. Amerika Birləşmiş Ştatlarında isə belə bir vəzifə associate professor ilə ekvivalentdir.
Ədəbiyyat[redaktə | mənbəni redaktə et]
R.Əliquliyev, S.Şükürlü, S.Kazımova. “Elmi fəaliyyətdə istifadə olunan əsas terminlər”, Baki, İnformasiya Texnologiyaları, 2009, 201 s.
