2019 Hindistan-Pakistan münaqişəsi

Vikipediya, açıq ensiklopediya
Jump to navigation Jump to search
2019 Hindistan-Pakistan münaqişəsi
Kashmir map.jpg
Başlama tarixi 14 fevral 2019
Yeri

2019 Hindistan-Pakistan Münaqişəsi - Kəşmirdə 2019-ci ildə baş verən və davam edən münaqişədir. Uzun müddətli Hindistan-Pakistan münaqişəsinin bir hissəsidir.

Hadisələrin gedişatı[redaktə | əsas redaktə]

Hindistanın mübahisəli Kəşmir bölgəsində Pulvamedə polisin 14 fevral 2019-cu ildə islamçı qruplaşmasının hücumuna məruz qalması münaqişənin başlanmasına səbəb oldu. Hücum nəticəsində Hindistan polisinin mərkəzi ehtiyatı güclərinin 45 əməkdaşı həlak oldu. İndiyədək hind təhlükəsizlik qüvvələrinə qarşı ən qanlı hücum kimi qiymətləndirilən bu hadisəyə görə Hindistan hökuməti qonşu Pakistanı ittiham edib. Lakin rəsmi İslamabad insidentlə heç bir əlaqəsinin olmadığını bildirir. Bununla əlaqədar İslamabad və Nyu-Delhidəki səfirlər məsləhətləşmələr üçün qarşılıqlı şəkildə geri çağırılıb.[1]

26 fevral 2019-cu ildə Hindistan Hərbi Hava Qüvvələri 12 ədəd “Mirage 2000” çoxməqsədli qırıcı təyyarəsi mübahisəli Kəşmir bölgəsində Pakistanın nəzarəti altında olan ərazilərə 1000 kiloqrama qədər bomba atıldığını iddia edib. Hindistanın məlumatına görə, hücumun gedişatında təxminən 350 döyüşçü öldürülüb. Lakin Pakistanın yaydığı kadrlarda bombaların meşədə boş əraziyə düşdüyü və heç kimin zərər görmədiyi göstərilirdi.

27 fevral səhər saatlarında Hindistan HHQ-nin iki təyyarəsi Pakistan silahlı qüvvələri tərəfindən Kəşmir rayonunda vurulub və nəticədə iki hindistanlı pilot Pakistanda həbs edilib. Həmin günü Pakistanın hava məkanı bütün təyyarələr üçün qapalı elan olunub. Aviazərbədən sonra Hindistan cavab zərbəsindən ehtiyat edərək Hava Hücumundan Müdafiə qüvvələrini Pakistanla sərhəd boyunca tam döyüş hazırlığına gətirdi. 27 fevralda bütün gün ərzində atıcı silahın və minaatanların tətbiqiylə Pakistan və Hindistan ordularının arasında nəzarət xətti boyunca atışmalar gedirdi[2]. Pakistan rəsmi şəxsləri bildirdilər ki, ən azı dörd mülki sakin öldürülmüş və on biri yaralanmışdır. Hindistan yaralanmış 10 hind əsgəri haqqında məlumat verir[3].

İstinadlar[redaktə | əsas redaktə]